استانادا اگرو سالاداعى ب ۇ ۇ ۇيىمىنىڭ وكىلدىگى اشىلادى

«قازاقستاننىڭ اگروونەركاسىپتىك ساياسات، وسىمدىك شارۋاشىلىعى ونىمدەرىن ءوندىرۋ جانە مال شارۋاشىلىعىن دامىتۋ، جەر جانە سۋ رەسۋرستارىن تۇراقتى باسقارۋ جانە ولاردى جوسپارلاۋ، ورمان جانە بالىق شارۋاشىلىعىن دامىتۋ سالاسىنداعى الەۋەتىن قۇرۋ جانە ارتتىرۋ ماقساتىندا قازاقستان ۇكىمەتى بايلانىس جانە سەرىكتەستىك بيۋروسىنىڭ فورماتىندا ف ا و وكىلدىگىن اشۋدى جوسپارلاپ وتىر. الەمدە وسىنداي بيۋرو تەك 5 ەلدە بار (مەكسيكادا، ازەربايجاندا، كامەرۋندا، ەكۆاتوريالىق گۆينەيادا، كوت- د'يۆۋاردا). بۇل رەتتە، كەلەشەكتە (1-2 جىلدا) ەگەر جوبالار ءساتتى ىسكە اسىرىلسا، بيۋرونى سۋب ايماقتىق بولىمشەگە اينالدىرۋ مۇمكىندىگى بار (قازىرگى كەزدە ف ا و- نىڭ ورتالىق ازيا ەلدەرىنە ارنالعان سۋب وڭىرلىك بولىمشەسى انكارادا، تۇركيادا ورنالاسقان)»، - دەپ اتاپ ءوتتى ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ.

بۇل بيۋرو ۋاكىلەتتى مەملەكەتتىك ورگانداردىڭ جاقىندىعىن ەسكەرىپ، اگروونەركاسىپتىك كەشەن سالاسىندا كۇندەلىكتى تىعىز جۇمىس جۇرگىزۋ ءۇشىن استانا قالاسىندا ورنالاساتىن بولادى. سونداي- اق ب ۇ ۇ ۇيىمدارىنىڭ حابىن قۇرۋ جونىندەگى مەملەكەت باسشىسىنىڭ تاپسىرماسى اياسىندا كەلەشەكتە الماتى قالاسىندا فيليالىن اشۋ جوسپارلانعان. بيۋرونىڭ جالپى شتاتتىق بىرلىگى ەلدە ىسكە اسىرىلىپ جاتقان جوبالار سانىنا بايلانىستى 20 قىزمەتكەردى قۇرايدى، ونىڭ ىشىندە جەرگىلىكتى ساراپشىلار مەن شەتەلدىك ماماندار، تەحنيكالىق پەرسونال بولادى.

«بيۋرونىڭ باسشىسىن ف ا و ۇكىمەتپەن كەلىسە وتىرىپ تاعايىندايدى جانە ول حالىقارالىق نەگىزدە تاڭدالادى. باسشىنىڭ ۋاكىلەتتى ورىنباسارى قازاقستان رەزيدەنتى بولادى»، - دەپ ناقتىلادى شوكەيەۆ.

ۇكىمەتتىڭ بيۋروعا قوساتىن ۇلەسى - تەگىن بەرىلەتىن ءتيىستى ءۇي- جاي، كەڭسەلىك جابدىق جانە وپەراتسيالىق شىعىندارعا ارنالعان 300 مىڭ دوللار كولەمىندەگى جىلدىق جارنا. بۇل شىعىندار اۋىل شارۋاشىلىعى مينيسترلىگىنىڭ جانە سىرتقى ىستەر مينيسترلىگىنىڭ 2019-2021 -جىلدارعا ارنالعان بيۋدجەتىندە كوزدەلگەن.

 قازاقستانداعى بيۋرونىڭ اشىلۋىنان كۇتىلەتىن ارتىقشىلىقتارعا توقتالعان مينيستر، ساياسي تۇرعىدا اۋىل شارۋاشىلىعىندا جانە ازىق- تۇلىك وندىرىسىندە جوعارى الەۋەتى بار مەملەكەت رەتىندە قازاقستاننىڭ بەدەلى ارتاتىنىن، ازىق- تۇلىك قاۋىپسىزدىگىن قامتاماسىز ەتۋدىڭ باسىم باعىتتارى بويىنشا جاھاندىق ديالوگتارعا بەلسەندى قاتىسۋ مۇمكىندىگى جوعارىلايتىنىن اتاپ ءوتتى.

بۇدان بولەك، الەۋمەتتىك- ەكونوميكالىق ارتىقشىلىقتار اياسىندا اگروونەركاسىپتىك كەشەندى دامىتۋ، جەر جانە سۋ رەسۋرستارىن تۇراقتى باسقارۋ، جوسپارلاۋ، ورمان جانە بالىق شارۋاشىلىعىن دامىتۋ سالاسىنداعى قازاقستاننىڭ الەۋەتىن ارتتىرۋعا ىقپالىن تيگىزەدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى