بالانىڭ قورقاق بولۋىنىڭ نەگىزگى سەبەپتەرى نەدە؟
قورقاقتىقتىڭ زياندارى:
1. بالا قويانجۇرەك قورقاق بولسا، بارىنشا بۇيىعى بولىپ قالادى.
2. دوسى از بولادى.
3. ءوزى قالاعان نارسەنى سۇراپ الا المايدى.
4. جۇرتپەن قاتىناسى ەركىن بولمايدى.
5. وزىندىك پىكىرى بولمايدى، قاشاندا جۇرت پىكىرىنە جىعىلا بەرەدى.
قورقاقتىقتىڭ سەبەپتەرى:
1. ۇنەمى كەزدەسەتىن ءبىر سەبەپ، اتا- انانىڭ وتباسىندا بالاعا وتە قاتال بولۋى. بالاعا ەشقاشان ءوز ويىن ايتۋعا مۇمكىندىك بەرمەۋ.
2. بالانى سىرتقا كوپ الىپ شىقپاۋ، ۇيدە بۇعىپ وسكەن بالا سىرتقا شىعۋدان، سىرتتاعى ادامدارمەن سويلەسۋدەن جاسقانىپ تۇرادى.
3. اكەسىمەن اڭگىمە. انانىڭ ورنى ارينە بولەك. عالىمدار جاستايىنان اكەسىمەن اڭگىمەلەسپەگەن بالانىڭ قورقاق بولۋ قاۋپى وزگە بالالاردان الدە قايدا زور ەكەنىن ايتادى.
4. وتباسىنداعى ۇرىس- كەرىس. بۇل دا نەگىزگى سەبەپ. اكەسى مەن شەشەسىنىڭ ۇرىس- توبەلەسى بالا بويىنا وراسان زور قورقىنىشتى سەزىمدەردى پايدا قىلادى.
5. قورقىنىشتى مۋلتفيلمنىڭ اسەرى دە وراسان. بالا ءتىپتى تۇندە ۇيقىساراپ، شوشىپ وياناتىن جاعدايلار كەزدەسىپ جاتادى. بۇل قورقىنىشتار دا بالا بويىنا ءوز ءدانىن ەكپەي كەتپەيدى.
قالاي ارىلتۋعا بولادى؟
1. بالاعا وتە اۋىر تالاپتار قويماڭىز، ءارى تىم اسىرىپ شابىتتاندىرماڭىز. بالا بولعان سوڭ ءوسۋ بارىسىندا كوپتەگەن قاتەلىكتەر وتكىزەدى. ەگەر ونىڭ ءار قاتەسىن جازعىرا بەرسەك، بالا ءوزىنىڭ ءار ىسىنەن الاڭدايدى. قاتە جاساپ جاتىر ەكەنمىن دەپ ويلايدى. ءسويتىپ، ءار ىسكە قورعانشاق، جاسقانشاقتىقپەن كىرىسەدى جانە ونى وزگەگە بىلدىرگىسى كەلمەيدى.
2. بالاعا سىرتقا شىعۋ ورايىن كوپتەپ بەرۋ كەرەك. باسقالارمەن كوبىرەك اڭگىمەلەسۋگە وراي جاراتىڭىز. اتا- اجەسى ايالاپ وسىرگەن بالالاردان دا كوپ قورقاق بالالار شىعاتىنى انىقتالعان.
3. ەگەر بالاڭىز قورعانشاق بولسا، ونى باتىر قىلام دەپ تىم اسىعىپ كەتپەڭىز. اسىرەسە اكەسى. انا بالانى ءسوز ۇعۋعا، ءتارتىپتى بولۋعا باۋليدى. اكە اناعا قاراعاندا باتىل، اشىق، سىرتپەن قارىم- قاتىناسى مول، جۇرتپەن سويلەسكىش بولادى عوي. اكە، اسىرەسە ۇل بالانى وزىمەن ەرتە ءجۇرىپ، ءار نەگە جۇمساپ، سول ءىس توڭىرەگىندە كوبىرەك اڭگىمەلەسكەندە عانا بالا تۇرمىسقا، ءوز ىسىنە باتىلدانا تۇسەدى. ءبىر ەسكەرتە كەتەر جايت، بالانىڭ قورقاقتىعى ءۇشىن «نەگە سونشا ەز، قورقاق بولدىڭ؟» دەپ ۇرىسا كورمەڭىز. ونىڭ كوپ سەبەبى وزىڭىزدە جاتىر، اكەسى.
دەرەككوزى: «پ ك» توپتاماسىنان
