قازاقستاندىق عالىمدار گەنى وزگەرگەن ونىمدەردى انىقتاۋ جولدارىن جەتىلدىرمەك

 ءتيىستى مەموراندۋم مەملەكەت باسشىسىنىڭ اسپان استى ەلىنە جاساعان ساپارى بارىسىندا ماقۇلداندى. سۋىققا ۇسىمەيتىن، ىستىققا شىرىمەيتىن، ۇزاق ۋاقىت ساقتالاتىن ونىمدەر گەندىك ينجەنەريانىڭ جەمىسى. ادامزاتتى اشتىقتان قۇتقارۋ ءۇشىن ويلاپ تابىلعان عىلىمي جاڭالىق، الەمگە قاۋىپ بولىپ تونگەلى قاشان. مۇنداي ترانسگەندى اعزالاردى وتاندىق ماماندار بۇعان دەيىن دە ءتۇرلى جولدارمەن انىقتاپ كەلدى. ەندى گەندىك ساراپتاما ءدارى- دارمەكتەرگە دە جاسالادى. ياعني ءسىزدىڭ اعزاڭىز بەلگىلى ءبىر ءدارىنى قالاي قابىلدارىن دارىگەرلەر الدىن الا بولجاپ بىلەدى.

 ابزال دارىبايەۆ، نازاربايەۆ ۋنيۆەرسيتەتى جانىنىداعى NURIS كومپانياسىنىڭ يننوۆاتسيالاردى دامىتۋ بويىنشا ديرەكتورى:

- كارديولوگيادا الەمنىڭ دامىعان ەلدەرى گەنەتيكالىق تەستىلەرىن قولدانۋدا. قازاقستاندا مۇنداي تەستىلەر كارديولوگيا جاعىنان ءدارى- دارمەك بەرۋدىڭ الدىندا گەنەتيكالىق تەستىلەر ءالى قولدانبايدى. بۇل جوبانى ىسكە اسىرۋ ءبىزدىڭ كارديولوگياداعى حالقىمىزعا قىزمەت كورسەتۋ ساپاسىن ارتتىرۋعا كومەكتەسەدى. مۇنداي عىلىمي زەرتحانالاردىڭ اۋىل شارۋاشىلىعىنا دا تيگىزەر پايداسى وراسان.

ماماندار «سيىردىڭ سۇتتىلىگىن كوزبەن بولجاماي، ەندى د ن ق- سىن زەرتتەپ، زەردەلەپ بىلەمىز»، -  دەيدى. بۇل دا الەمدىك تاجىريبە. وزىق تەحنولوگيالاردى قىتايلىق سەرىكتەستەردەن مەڭگەرگەنىمىزبەن، زەرتحانادا جۇمىس ىستەيتىن نازاربايەۆ ۋنيۆەرسيتەتىنىڭ ستۋدەنتتەرى. جوعارى وقۋ ورنى عىلىمي پاركتەردى باسقارۋ جولدارىن دا ۇزدىكتەردەن ۇيرەنبەك.

قانات بايعارين، نازاربايەۆ ۋنيۆەرسيتەتى پرەزيدەنتىنىڭ يننوۆاتسيالار جونىندەگى ورىنباسارى:

 - بەيجىڭدەگى شينحۋا ۋنيۆەرسيتەتىندە ورنالاسقان عىلىمي پاركپەن كەلىسىم جاسالدى. بىزگە وزىق تاجىريبەلەردى مەڭگەرۋ ماڭىزدى. ويتكەنى نازاربايەۆ ۋنيۆەرسيتەتى جانىنان 50 گەكتار جەر ءبولىنىپ، عىلىمي پارك سالىنباق. قازىر ونىڭ دامۋ جوسپارى، باعىت- باعدارى انىقتالعان. عىلىمي پارك نەگىزگى ءۇش باعىتقا باسىمدىق بەرەدى. ولار: بيومەديتسينا، گەولوگيا جانە جوعارى تەحنولوگيالار سالاسى. جوسپار بويىنشا 2025 -جىلعا قاراي قۇرىلىستىڭ العاشقى بولىگى اياقتالۋى ءتيىس.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى