تۇركىستانداعى حالىقارالىق قازاق- تۇرىك ۋنيۆەرسيتەتىنە جاڭا رەكتور تاعايىندالدى
بۇگىن رەكتوردى وقۋ ورنىنىڭ ۇجىمىنا ق ر ءبىلىم جانە عىلىم ۆيسە- ءمينيسترى، حالىقارالىق قازاق- تۇرىك ۋنيۆەرسيتەتى وكىلەتتى كەڭەس ءتوراعاسىنىڭ ورىنباسارى بيبىگۇل اسىلوۆا تانىستىردى. ءوز كەزەگىندە جاڭا رەكتور تۇتاس تۇركى حالىقتارىنىڭ باسىن قوسقان وقۋ ورداسىن وركەندەتۋگە، دامىتۋعا بارىنشا جاعداي جاسايتىنىن جەتكىزدى.
ايتا كەتەيىك، بولاتبەك سەرىكباي ۇلى ەڭبەك جولىن 1986 -جىلدان باستاعان. عىلىم جولىندا وزىندىك ءىزى بار پروفەسسور بيولوگيا عىلىمدارىنىڭ دوكتورى، فيزيكا- ماتەماتيكا عىلىمدارىنىڭ كانديداتى. 1986-1994 -جىلدارى ن. ۆ. گوگول اتىنداعى قىزىلوردا پەداگوگيكالىق ينستيتۋتىنىڭ وقىتۋشىلىعىنان باستاعان بولاتبەك سەرىكباي ۇلى اتالعان وقۋ ورنىنىڭ دوتسەنتى، دەكانى، پرورەكتورى قىزمەتتەرىن اتقاردى. 1996-1998 -جىلدارى - وسى ۋنيۆەرسيتەتتىڭ رەكتورى، ال 1998-2000 -جىلدارى قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ءبىرىنشى پرورەكتورى بولىپ ەڭبەك ەتتى.
2000-2001 -جىلدارى ق ر مەملەكەتتىك قىزمەت ىستەرى اگەنتتىگىنىڭ «اقپارات جانە تەستىلەۋ ورتالىعى» مەملەكەتتىك مەكەمەسىنىڭ ديرەكتورى، سودان كەيىن ق ر ءبىلىم جانە عىلىم مينيسترلىگىنىڭ مونيتورينگ جانە باقىلاۋ دەپارتامەنتى ديرەكتورىنىڭ ورىنباسارى قىزمەتىن اتقارعان. 2001 -جىلدىڭ تامىزىنان 2004 -جىلدىڭ قاراشاسىنا دەيىن ق ر ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى بولعان.
وسى جىلدىڭ قاراشا ايىندا ق ر ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى قاداعالاۋ جانە اتتەستاتتاۋ كوميتەتىنىڭ ءتوراعاسى بولىپ تاعايىندالدى. 2007 -جىلدىڭ اقپانىنان 2010 -جىلدىڭ قىركۇيەگىنە دەيىن - ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى قىزمەتىن اتقاردى.
2010 -جىلدىڭ قازان ايىندا ق ر ءبىلىم جانە عىلىم مينيسترلىگىنىڭ جاۋاپتى حاتشىسى بولىپ تاعايىندالعان پروفەسسور، 2012-2016 -جىلدارى ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى، 2017 -جىلدىڭ 24 - ناۋرىزىنان باستاپ بۇگىنگى كۇنگە دەيىن ق ر ءبىلىم جانە عىلىم ءمينيسترىنىڭ №34-ج ك بۇيرىعىمەن ق ر ب ع م عىلىم كوميتەتىنىڭ ءتوراعاسى بولىپ جەمىستى قىزمەت اتقارىپ كەلدى.
ەلىمىزدىڭ ءبىلىم- عىلىم سالاسىندا 32 جىلدان بەرى تابىستى ەڭبەك ەتكەن پروفەسسور «قۇرمەت» وردەنىنىڭ يەگەرى (2005 ج.).
اۆتور: اينۇر اقبايەۆا
