وزبەكستاندا اباي قۇنانباي ۇلى شىعارماشىلىعىنا ارنالعان كەش ءوتتى
« قازاقتىڭ ۇلى اقىنى جانە ويشىلى اباي قۇنانبايەۆتىڭ شىعارماشىلىعىن زەردەلەۋ جانە ونى ناسيحاتتاۋ تۋرالى» وزبەكستان پرەزيدەنتىنىڭ قاۋلىسىنا سايكەس ۇيىمداستىرىلعان شاراعا اقىن- جازۋشىلار، عالىمدار، ادەبيەت سۇيەر قاۋىم مەن ستۋدەنت جاستار قاتىستى.
«وزبەك پەن قازاق حالقى بۇرىننان جاقىن كورشى بولىپ، دوستىق پەن كەلىسىمدە ءومىر سۇرگەن. دوستىق جانە ادەبي بايلانىستاردى نىعايتۋعا ابايدىڭ قوسقان ۇلەسى زور. ونىڭ مەيىرىمدىلىككە، ادالدىققا، دوستىققا، بەيبىتشىلىك مەن كەلىسىمگە ۇندەيتىن شىعارمالارىن ەلىمىزدە ۇلكەن سۇيىسپەنشىلىكپەن وقيدى. ونىڭ حالىق تىلىمەن جازىلعان « اندەرى» - ادەبيەت قورىندا لايىقتى ورنىن تاپتى»، - دەپ جازادى اگەنتتىك.
«جاھاندانۋ زامانىندا جاستاردىڭ ابايدىڭ شىعارماشىلىعىنا قىزىعۋشىلىق ءبىلدىرۋى وتە قۋانتادى. قازاق اقىنىنىڭ كوپقىرلى شىعارماشىلىعى جاستاردى وتانعا دەگەن ماحابباتقا، ۇلتتىق قۇندىلىقتاردى قۇرمەتتەۋگە ۇيرەتۋدە ۇلكەن ءرول اتقارا بەرمەك»، - دەيدى سۋرحانداريا وبلىسىنىڭ اديب سوبير تەرمەزي اتىنداعى اقپاراتتىق- كىتاپحانالىق ورتالىعىنىڭ جەتەكشىسى م. ابدۋشۋكۋروۆ.
اۆتور: ميرا تولەندى قىزى
