قازاقستاندا كوپ ساتىلاتىن كولىكتەر ءتىزىمى جاسالدى

بۇل تۋرالى «قازاۆتوونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات.

«2018 -جىلدىڭ قاڭتار- مامىرىندا رەسمي ديلەرلەر 20620 اۆتوموبيل وتكىزىپ، بۇل كورسەتكىش بىلتىرعا قاراعاندا 40,4 پايىزعا ارتىق بولدى. ەسەپتى كەزەڭدە قازاقستاندىقتار جاڭا جەڭىل كولىكتەردى ساتىپ الۋعا 165,2 ميلليارد تەڭگە سوماسىندا قارجى جۇمسادى»، - دەلىنگەن تاراتىلعان مالىمەتتە.

اتالعان كەزەڭدە وتكىزىلگەن 10901 اۆتوكولىك (%52,9) يمپورتقا، ال 9719 ى (%47,1) ەلىمىزدەگى اۆتوزاۋىتتاردىڭ ونىمدەرىنە تيەسىلى.

اتاپ ايتقاندا، 5 ايدىڭ قورىتىندىسى بويىنشا قازاقستاندا سۇرانىسقا يە برەندتەردىڭ العاشقى بەستىگىنىڭ كوشىن Lad  كولىگى (4695) باستاپ تۇر. ساتىلعان كولىك سانى بويىنشا ەكىنشى ورىندا Toyota - 4162 تۇراقتاسا، ءۇشىنشى ورىنعا Hyndai كولىگى - (2638) شىقتى. سونىمەن قاتار بۇل بەستىككە Ravn -1 675  مەن GAZ -1079 برەندتەرى دە ەندى.

بەلگىلى بولعانداي، ەسەپتى كەزەڭدە جەڭىل كولىكتەر رەيتينگىندە Toyota Camry (1556 كولىك ساتىلدى)، Lada Granta - 1336 جانە جول تالعامايتىن Lada 4x4 - 1275 العا شىعىپ، كوبىرەك ساتىلدى. سونداي- اق بۇل توp-5 مودەلدەر قاتارىنا Ravon Nexia - 992  مەن Hyundai Tucso  - 774 كىردى.

اتالعان كەزەڭدە كولىك ساتىپ الۋ جاعىنان الدىڭعى ورىندارعا الماتى (5339 كولىك ساتىلدى)، استانا (3494)، اتىراۋ (1546)، قوستاناي (1487)، شىمكەنت (1298)، قاراعاندى (1242) قالالارى شىقتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى