استانادا ءرۋلسىز اۆتوبۋس ايداعان جۇرگىزۋشى جۇمىستان شىعارىلدى
«تەحنيكالىق اقاۋ بويىنشا اۆتوبۋس جۇرگىزۋشىسى كومەك كۇتۋى ءتيىس ەدى. ىڭعايسىز جەرگە تۇرىپ قالعاندىقتان، جۇرگىزۋشى كولىك اعىنىنا كەدەرگى كەلتىرمەۋ ءۇشىن جانە اۆتوبۋستى قاۋىپسىز جەرگە قويۋ ءۇشىن ءرۋلسىز كولىكپەن بىرنەشە مەتر جۇرگەن. سول ساتتە كوندۋكتور ونى بەينەكامەراعا ءتۇسىرىپ العان. الەۋمەتتىك جەلىدە تەز تاراعان بۇل ۆيدەو كوپشىلىكتىڭ نارازىلىعىن تۋعىزدى. سالدارىنان جۇرگىزۋشى مەن كوندۋكتور جۇمىستان شىعارىلدى»، - دەپ حابارلادى «استانا LRT» ج ش س قوعاممەن بايلانىس دەپارتامەنتىنىڭ ديرەكتورى ناۋات ازانبايەۆا.
استانا LRT بۇل وقيعانى جۇرگىزۋشىنىڭ وزىنە عانا ەمەس، جول قوزعالىسىنداعى بارلىق تۇرعىندارعا قاۋىپ ءتوندىردى دەپ ەسەپتەيدى.
ەسكە سالا كەتسەك، بۇعان دەيىن الەۋمەتتىك جەلىدە جول ورتاسىندا اۆتوبۋستى ءرۋلسىز ايداپ كەلە جاتقان جۇرگىزۋشىنىڭ ۆيدەوسى پايدا بولعان ەدى.
