دونالد ترامپ پەن كيم چەن ىن تاريحي كەلىسىمگە قول قويدى
ترامپ كيممەن بولاشاقتا ۆاشينگتون مەن پحەنيان اراسىندا قارىم-قاتىناسقا اسەر ەتپەيتىن «وزگەشە بايلانىس» ورناتقانىن ءمالىم ەتتى.
«سولتۇستىك كورەيامەن قارىم-قاتىناس بۇرىنعىدان وزگەشە بولادى»، - دەدى ترامپ قۇجاتقا قول قويۋ راسىمىنەن كەيىن.
ءوز كەزەگىندە، كيم الەمنىڭ ۇلكەن وزگەرىستەرگە كۋا بولاتىنىن اتاپ ءوتىپ، «تاراپتاردىڭ وتكەندى وتكەن شاقتا قالدىرۋ تۋرالى شەشىم قابىلداعانىن» تىلگە تيەك ەتتى.
ا ق ش پرەزيدەنتى يادرولىق قارۋسىزداندىرۋ پروتسەسىنىڭ تاياۋدا باستالاتىنىن ۋادە ەتىپ، سولتۇستىك كورەيا كوشباسشىسىمەن قايتا كەزدەسۋگە ۇمىتتەنەتىنىن ءبىلدىردى. ونىڭ ايتۋىنشا، كەزدەسۋ اق ۇيدە ءوتۋى مۇمكىن. ترامپ قۇجاتتاعى اقپاراتتاردى ايتقان جوق، ءبىراق ب ا ق- قا ارنالعان بريفينگتە ەگجەي-تەگجەيلى حابارلايتىنىن اتاپ ءوتتى.
رەنحاپ اگەنتتىگى اتاپ وتۋىنشە، ا ق ش پەن سولتۇستىك كورەيا اراسىنداعى سامميت - شىنىندا تاريحي وقيعا.
بۇدان بۇرىن ا ق ش پەن سولتۇستىك كورەيانىڭ سينگاپۋردا سەنتوس كۋرورتتىق ارالىنداعى Capella قوناقۇيىندە شاعىن جانە كەڭەيتىلگەن فورماتتا كەزدەسۋ وتكىزگەنى حابارلانعان ەدى.
