گولوۆكيننىڭ ايىرىلعان بەلدىگىنە كىمدەر تالاسادى؟
IBF قازاقستاندىق گەننادي گولوۆكيندى (38-0-1، 34 ك و) مىندەتتى قارسىلاسى دەريەۆيانچەنكومەن جۇدىرىق تۇيىستىرۋدەن باس تارتقانى ءۇشىن تيتۋلىنان ايىرۋ تۋرالى شەشىم شىعارعانى بەلگىلى.
دۇيسەنبى كۇنى IBF شتاب-پاتەرىنەن دەريەۆيانچەنكونىڭ سو-پروموۋتەرى لۋ ديبەللاعا (DiBella Entertainment) جانە دجەيكوبستىڭ پروموۋتەرى ەددي حەرنگە (Matchroom Boxing) جەدەل كەلىسسوزدەر جۇرگىزۋگە ۇسىنىس ءتۇستى. تاراپتار 11- شىلدەگە دەيىن كەلىسپەسە، پروموۋتەرلىك ساۋدا-ساتتىق بەلگىلەنەتىن بولادى.
ءىس پروموۋتەرلىك ساۋدا-ساتتىققا دەيىن جەتەتىن بولسا، جۇلدە قورى بوكسشىلار اراسىندا تەڭ بولىنەدى.
ايتا كەتەيىك، دەريەۆيانچەنكو مەن دجەيكوبستىڭ مەنەدجەرلەرى عانا ەمەس، باپكەرلەرى دە ءبىر، ولار امەريكالىق اندرە روزەنىڭ قاراماعىندا.
سونىمەن قاتار، ساۋل الۆارەسپەن قىركۇيەكتە وتەتىن كەزدەسۋدە دجەيكوبس مۇمكىن قارسىلاس رەتىندە قاراستىرىلۋدا. امەريكالىق بوكسشىدان وزگە، ساۋلدىڭ كومانداسى گەننادي گولوۆكينمەن كەلىسسوز جۇرگىزۋدى جالعىستىرىپ جاتىر.
