قازاقستاندا ەتنيكالىق قازاقتاردى قولدايتىن «وتانداستار» قورى ءوز جۇمىسىن باستادى
بۇل تۋرالى د ق ق باسپا ءسوز قىزمەتى مالىمدەدى.
«وتانداستار» قورى شەتەلدەگى جانە قازاقستان رەسپۋبليكاسىنا كوشىپ كەلگەن ەتنيكالىق قازاقتاردى قولداۋ ماقساتىندا قۇرىلعان. قور دۇنيەءجۇزى قازاقتارنىڭ قاۋىمداستىعىمەن تىعىز ىنتىماقتاستىقتا جۇمىس ىستەيتىن بولادى» - دەلىنگەن حابارلامادا.
قور ەلباسىنىڭ تىكەلەي باستاماسىمەن قۇرىلعان. دۇنيەءجۇزى قازاقتارىنىڭ بەسىنشى قۇرىلتايىندا پرەزيدەنت نۇرسۇلتان نازاربايەۆ شەتەلدە تۇرىپ جاتقان وتانداستارىمىزدى قولداۋ كەرەكتىگىن تاپسىرعان بولاتىن. سول نەگىز بويىنشا «وتانداستار» قورى ءوز جۇمىسىن باستادى. قوردىڭ نەگىزگى مىندەتتەرى - شەتەلدەگى جانە ەلىمىزگە ورالعان قانداستارىمىزعا مادەني، ءبىلىم بەرۋ باستامالارى جانە قۇقىقتىق قولداۋ كورسەتۋ.
قور اكسيونەرلەرىنىڭ جينالىسى بارىسىندا دۇنيەجۇزىلىك قازاقتارىنىڭ قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ قوردىڭ ديرەكتورلار كەڭەسىنىڭ ءتوراعاسى بولىپ سايلاندى. ال قور پرەزيدەنتى بولىپ ساياسي جانە قوعام قايراتكەرى نۇرتاي ابىقايەۆ تاعايىندالدى.
