قازاقستان مەن قىتاي ەلەكتروندى ساۋدانى بىرلەسىپ دامىتادى
اتاپ ايتقاندا، قارجىلاندىرۋ مەن ينۆەستيتسيالار سالاسىندا ۇلتتىق ۆاليۋتالاردىڭ كولەمى ارتاتىن بولادى. بۇدان بولەك، تاراپتار قازاقستاننىڭ ۇلتتىق بانكى مەن قىتايدىڭ حالىق بانكى اراسىنداعى «تەڭگە/يۋان» ۆاليۋتالىق سۆوپى تۋرالى كەلىسىمدى ارى قاراي ىسكە اسىرۋعا ۋاعدالاستى. وسى ورايدا قارجىلاندىرۋ مەن كەپىلدىك بەرۋدىڭ يننوۆاتسيالىق ادىستەرىن ەنگىزۋ، سان الۋان ينۆەستيتسيالىق الاڭداردى ءتيىمدى پايدالانۋ، ينۆەستيتسيالار مەن نەسيەلەرگە كومبيناتسيا جاساۋ قاجەت. سونداي- اق، قازاقستان مەن قىتاي ترانسشەكارالىق ەلەكتروندى ساۋدا سالاسىندا ءوزارا ىنتىماقتاستىقتى كۇشەيتۋگە كەلىستى. اتالعان سالادا بىرلەسىپ ارەكەت ەتۋ تەتىكتەرى ازىرلەنۋى شارت. ال سيفرلىق ەكونوميكانى دامىتۋعا ارنالعان ەكى ەلدىڭ باعدارلامالارىن ءوزارا ۇندەستىرۋ جوسپارلانعان.
«ەكى ەلدىڭ باسشىلارى «استانا» حالىقارالىق قارجى ورتالىعىن ىسكە قوسۋ باستاماسىن، سونداي- اق، «استانا» حالىقارالىق قارجى ورتالىعى، جىبەك جولى قورى مەن قىتاي- ەۋرازيا ەكونوميكالىق ىنتىماقتاستىق قورى اراسىنداعى ستراتەگيالىق بايلانىستى دامىتۋدى قولدايدى. الداعى ۋاقىتتا جىبەك جولى قورى «استانا» ح ق و بيرجا اكسيونەرلەرى قۇرامىنا كىرۋى مۇمكىن. حالىقارالىق قارجى ورتالىعى مەن ازيا ينفراقۇرىلىمدىق ينۆەستيتسيالار بانكىمەن اراداعى ىنتىماقتاستىعى كۇشەيەتىن بولادى»، - دەلىنگەن بىرلەسكەن مالىمدەمەدە.
ايتا كەتەيىك، ق ر پرەزيدەنتى نۇرسۇلتان نازاربايەۆتىڭ ق ح ر- عا جاساعان رەسمي ساپارى بارىسىندا ەكى ەلدىڭ باسشىلارى بىرلەسكەن مالىمدەمەگە قول قويعان بولاتىن. ب ا ق وكىلدەرىنە سۇحبات بەرگەن ەلباسى ۇلتتىق ۆاليۋتامەن ساۋدا- ساتتىق جۇرگىزۋ نە ءۇشىن قاجەت ەكەنىن ايتتى. سونداي- اق، پرەزيدەنت قىتايلىق بيزنەسمەندەرگە «استانا» حالىقارالىق قارجى ورتالىعىنىڭ جۇمىسى جايىندا ايتىپ بەردى.
اۆتور: ارمان اسقاروۆ
