قازاقستاندىق بەنزين رەسەيدىكىنەن كەم تۇسپەيدى - ق ر ەنەرگەتيكا ءمينيسترى
«ءبىز قازىر ەۋرو-5 ستاندارتىنىڭ بەنزينىن شىعارا باستادىق. ءبىزدىڭ بەنزين باسقادان كەم ەمەس. ەگەر ءسىز «دەنى ساۋ» جانارماي بەكەتىنەن بەنزين قۇيساڭىز، ءبىزدىڭ بەنزين - جاقسى»، - دەدى قانات بوزىمبايەۆ بريفينگتە جۋرناليستەردىڭ سۇراعىنا جاۋاپ بەرە وتىرىپ.
ول ەگەر قوسپا ارالاسپاسا، قازاقستان بەنزينى رەسەيدىكىنەن كەم تۇسپەيتىنىن ايتتى.
«جانارماي قۇيۋ بەكەتىندە بەنزيننىڭ ساپاسىن ءبىز انىقتامايمىز، ءبىراق جاڭعىرتۋدان كەيىنگى ءبىزدىڭ زاۋىتتاردىڭ شىعارىپ وتىرعان بەنزينى وتە ساپالى»، - دەپ ءمالىم ەتتى مينيستر.
