تەلەفون قۋاتى تەز تاۋسىلۋىنىڭ سەبەپتەرى
قۋاتتايتىن جەر ىزدەپ ابىگەرگە تۇسەسىز. تابا الساڭىز «مەشكەي» تەلەفونىڭىزدىڭ قۋاتتالۋىن ءبىراز ۋاقىت كۇتەسىز. تابا الماساڭىز ءوشتى - ءبىتتى. مۇنداي جاعدايلار ءارقايسىمىزدىڭ باسىمىزدا بولىپ تۇرادى. تومەندە ءبىز تەلەفون قۋاتىنىڭ نە ءۇشىن تەز تاۋسىلىپ قالا بەرەتىنىن ايتىپ وتەيىك.
1. ءسىز تەلەفونىڭىزدى ۇنەمى 100 پايىزعا جەتكەنشە قۋاتتايسىز با؟ بۇل ۇلكەن قاتەلىك دەيدى ماماندار. سەبەبى تەلەفون باتارەيكاسىنىڭ ماكسيمال قۋاتى 30 بەن 80 پايىز ارالىعىندا بولادى ەكەن. ءبىز تەلەفوندى قايتا- قايتا قۋات كوزىنە جالعاۋ ونىڭ باتارەيكاسىن ىستەن شىعارادى دەپ ويلايمىز. ەكسپەرتتەردىڭ ايتۋىنشا، كۇنىنە بىرنەشە رەت قۋاتتاۋ باتارەيكانىڭ ۇزاق ۋاقىت قىزمەت ەتۋىنىڭ كەپىلى بولادى ەكەن.
2. ۇنەمى تەلەفون قۋاتىن «قىزىلعا» ءتۇسىرىپ ءجۇرۋ جاقسى ادەت ەمەس. تەلەفونىڭىزدى مۇنشالىقتى زورىقتىرماڭىز. مامانداردىڭ ايتۋىنشا تەك ەكى ايدا ءبىر رەت قانا تەلەفون قۋاتىن 0 پايىزعا دەيىن پايدالانۋ كەرەك. بۇل پروفيلاكتيكا ءۇشىن دە قاجەت.
3. بارلىق گادجەت ەكسترەمال تەمپەراتۋرانى جاقسى كورمەيدى. تەلەفوندى وتە سۋىق (نولدەن تومەن) جانە 35 تەن جوعارى تەمپەراتۋرادا قولدانۋ دا ونىڭ باتارەيكاسىن تەز ىستەن شىعارادى.
4. سمارتفوندى اراقاشىقتىقتان تۇرىپ قۋاتتاۋ زيان. ول باتارەيكانى تەز قىزدىرىپ جىبەرەدى.
5. قۋاتتاۋ كەزىندە تەلەفونىڭىزدى جۇمساق زاتتار ۇستىنە قويماڭىز. بۇل دا سمارتفونىڭىزدى تەز قىزدىرىپ، ءورت قاۋپىن تۋعىزادى.
6. بارىمىزدەگى ادەت تەلەفون قۋاتتاۋ قۇرىلعىسىن ۇمىت قالدىرىپ، ورنىنا قاجەت كەزدە ارزان قۋاتتاۋ قۇرىلعىسىن ساتىپ الىپ پايدالانامىز. ارزان قۋاتتاۋ قۇرىلعىلارى سمارتفوندى ۇزاق قۋاتتايدى. ناتيجەسىندە تەلەفون قىزادى. بۇل دا تەلەفون «ءولىپ» قالۋىنىڭ ءبىر سەبەبى ەكەن.
Massaget.kz
