استاناداعى بەينەباقىلاۋ: ءتارتىپ بۇزۋشىلىقتار قالاي تىركەلەدى؟

ونىڭ ايتۋىنشا، قازىرگى كەزدە جەدەل باسقارۋ ورتالىعىنا 800 كامەرا قوسىلعان. بۇدان بولەك، «سەرگەك» جۇيەسىن ينتەرگاتسيالاۋ جۇمىسى اتقارىلىپ جاتىر. الايدا بارلىق كامەرالار ءالى ءبىر ارناعا قوسىلمادى. دەگەنمەن، جول قوزعالىسى بويىنشا ءتارتىپ بۇزۋشىلىقتار اۆتوماتتى تۇردە تىركەلەدى. سونىڭ ناتيجەسىندە كولىك جۇرگىزۋشىلەرى ەرەجەنى كوپ بۇزبايتىن بولدى. «ال جاڭاعى 800 كامەرا تۋرالى ايتار بولساق، ءالى دە ءبىراز كەمشىلىكتەر بار. ءيا، قانداي دا ءبىر قىلمىس بولعاندا ول كامەرا باسقا جاققا قاراپ تۇرۋى مۇمكىن. سودان ءتارتىپ بۇزۋشىلاردىڭ ارەكەتى جازىلماي قالادى. كامەرا ەكى جاققا اينالىپ تۇرادى عوي. سوسىن بىزگە وپەراتورلار جەتىسپەي جاتىر. ءبىر اۋىسىمدا 4-5 بەينەوپەراتور جۇمىس ىستەيدى. ەندى، ادام فاكتورى بولادى، وپەراتور باسقا جاققا قاراپ قالادى، ورنىنان تۇرىپ كەتەدى جانە تاعىسىن تاعى. سوندىقتان بىزگە ينتەللەكتۋالدى كامەرالار كەرەك. ىشكى ىستەر مينيسترلىگى وسى باعىتقا باسىمدىق بەرىپ وتىر. سەبەبى ونداي قۇرىلعىلار وزدىگىمەن وپەراتورعا سيگنال بەرەدى»، - دەدى ي. لەپەحا استانادا وتكەن باسپا ءسوز ءماسليحاتىندا.

ايتا كەتەيىك، استانا كۇنى قارساڭىندا ەلوردانىڭ قۇقىق قورعاۋشىلارى، سونداي-اق ءۇش وبلىستىڭ جەكە قۇرامى كۇشەيتىلگەن رەجىمگە كوشەتىن بولادى. ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆتىڭ ايتۋىنشا، 27- ماۋسىم مەن 8- شىلدە ارالىعىندا استانالىق گارنيزون، سونداي-اق اقمولا، قاراعاندى جانە پاۆلودار وبلىستارىنىڭ جەكە قۇرامى كۇشەيتىلگەن رەجىمگە كوشىرىلەدى.

«ول كۇندەرى ەلوردا اۋماعىندا قوعامدىق ءتارتىپتى پوليتسيانىڭ كۇشەيتىلگەن جاساقتارى باقىلايدى. ال مەرەكەلىك شارالار وتەتىن جەرلەردە تاۋلىك بويى كەزەكشىلىك جۇرگىزىلەدى»، - دەدى ا. سادۋبايەۆ استانادا وتكەن باسپا ءسوز ءماسليحاتىندا.

ال ق ر ءى ءى م اكىمشىلىك پوليتسيا كوميتەتىنىڭ ءتوراعاسى يگور لەپەحا مەرەكە كۇندەرى ماس بولعان ادامداردى ۇستاپ اكەتۋگە قاتىستى تۇسىنىك بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى