بالانى قانشا جاستان باستاپ مەكتەپكە بەرۋ كەرەك؟
«بالالاردىڭ وقۋعا دەگەن بەلسەندىلىگى اسىرەسە جەتى جاسىنا دەيىن ءتيىمدى، ال ءۇش جاسىندا بەلسەندى ءوسۋ كەزەڭىندە، ەڭ جاقسى ناتيجەلەرگە قول جەتكىزۋگە بولادى. بۇلدىرشىنگە التى جاسىنا دەيىن وقۋ جەڭىل، وقۋدان ءلاززات الادى، قوسىمشا موتيۆاتسيانى تالاپ ەتپەيدى. بالانىڭ كەز كەلگەن اقپاراتتى التى جاسىنا دەيىن جاقسى قابىلداي الاتىنى عىلىمي دالەلدەنگەن. نازار اۋدارۋ، ويلاۋ، ەستە ساقتاۋ جانە قابىلداۋ قابىلەتى دامىعان بەس جاستاعى بالا دا مەكتەپكە بارا الادى»، - دەيدى ساراپشىلار.
سونىمەن قاتار، ولاردىڭ سوزىنشە، مەكتەپكە دەيىنگى دايارلىق بالالارعا مىندەتتى ەمەس. ءبىلىم جانە عىلىم مينيسترلىگىنىڭ مالىمەتىنە سايكەس، ءبىلىم بەرۋدىڭ جاڭارتىلعان مازمۇنى ءۇش كەزەڭدى قامتيدى: الدىن الا، ءالىپبي جانە كەيىنگى وقۋ جۇيەسى. 2013 -جىلعا ارنالعان وقۋ جوسپارىمەن سالىستىرعاندا، الدىن الا وقىتۋ جۇيەسى ۇلعايعان. مينيسترلىك وكىلدەرىنىڭ ايتۋىنشا، بالانىڭ مەكتەپكە التى جاستان بارۋ- بارماۋىن تەك اتا-انا شەشەدى.
«بۇگىندە التى جاستاعى بالالار مەكتەپتە وقىپ جاتىر. ستاتيستيكالىق مالىمەتتەر بويىنشا، ولار ءبىرىنشى سىنىپ وقۋشىلارىنىڭ 50,9 پايىزى. سوندىقتان بالالاردى قابىلداۋ جايلى جاڭا ەرەجە تەك قالىپتاسقان تاجىريبەنى زاڭداستىرادى. الدىڭعى وقۋ جىلىندا، مەكتەپكە 2018 -جىلدىڭ سوڭىنا دەيىن التىعا تولاتىن بالار كەلەدى. سونىمەن قاتار، بالانىڭ مەكتەپكە بارۋ تۋرالى شەشىمىن اتا- انا قابىلدايدى»، - دەيدى مينيسترلىكتەگىلەر.
اتا-انا بالاسى ءۇشىن مەكتەپتى وزدەرى تاڭداۋعا قۇقىلى دەپ كورسەتىلگەن ۆەدومستۆودا. وقۋ ورنى تولىپ قالعان جاعدايدا، ولاردىڭ قۇجاتىن قابىلداماۋعا بولادى. «تۇرعىلىقتى جەرىنەن الىنعان كۋالىك بويىنشا وقۋ ورنىنا قابىلداۋ الىپ تاستالدى.
2018 -جىلدىڭ 10 -مامىرداعى ۇكىمەت قاۋلىسىنىڭ 8-تارماعى № 254-اتا-انالاردىڭ كەز كەلگەن ءبىلىم بەرۋ ۇيىمىن تاڭداي الادى. ءبىراق، ەڭ الدىمەن، ءبىلىم بەرۋ مەكەمەسىنىڭ ماڭىندا تۇراتىنداردى، ال قالعاندارىن تەك بوس ورىندار بولعان جاعدايدا قابىلدايدى"، - دەلىنگەن ساۋالحاتقا بەرىلگەن جاۋاپتا.
