نۇرسۇلتان نازاربايەۆ الەمدەگى سانكسيالىق سوعىستارعا قاتىستى پىكىر ءبىلدىردى

«بۇل جالپى ۇلكەن ساياسي ماسەلە. شىنىندا دا رەسەي مەن ا ق ش- تىڭ، باتىستىڭ اراسىندا ءبىر- بىرىمەن سانكسيالار ورىن الىپ، وتە قيىن بولىپ تۇر. قانشا ايتسا دا بۇل رەسەيگە وڭاي ەمەس. ەۋروپانىڭ ءوزى قازىر ا ق ش- پەن كەلىسپەي جاتىر. شەكارادا تىيىم سالۋ، تاۋارلارىن الماۋ ورىن الۋدا. ينتەگراتسيا باسەڭدەپ كەلەدى. امەريكا مەن تىنىق مۇحيتى ەلدەرى اراسىنداعى كەزدەسۋلەر، ءتىپتى جانىنداعى كانادامەن، مەكسيكامەن قارىم- قاتىناس ناشارلاۋدا. دۇنيەجۇزىلىك ساۋدا ۇيىمىندا شەشىلگەن، قول قويىلعان ماسەلەلەر ورىندالماي جاتىر. ساياساتتا دا ب ۇ ۇ شەشىمى قاپەرگە الىنباي، مەملەكەتتەر ءوزارا قاقتىعىسىپ جاتقان كەزدە شاڭحاي ىنتىماقتاستىق ۇيىمى ەلدەر ءۇشىن ءۇمىت وتى بولىپ تۇر»، - دەدى ەلباسى.

ماسەلەن، پرەزيدەنتتىڭ ايتۋىنشا، وتكەن جىلى «ءبىر بەلدەۋ، ءبىر جول» فورۋمىن وتكىزىپ، وعان 137 ەلدىڭ وكىلى قاتىسقان.

 «بۇل نەنى بىلدىرەدى؟ بارلىق ينتەگراتسيالىق قارىم- قاتىناستار، جالپى جاھاندانۋ السىرەگەن كەزدە قانداي دا ءبىر جول ىزدەۋ قاجەت. حالىقارالىق بارلىق شارتتار، ساياسي شەشىمدەر ورىندالماعان جاعدايدا قازاقستاننىڭ تىكەلەي قاتىستى بار جىبەك جولى باستاماسى ادامدارعا ءۇمىت سىيلادى. 60 مەملەكەت تىكەلەي بايلانىسىپ وتىر. بۇل جولعى سامميت تاريحي ءسات بولدى. ويتكەنى، ش ى ۇ- عا پاكىستان مەن ءۇندىستاننىڭ قوسىلۋى ونى الەمنىڭ 40 پايىز حالقىن، الەم ەكونوميكاسىنىڭ 20 پايىزىن قۇرايتىن ۇيىمعا اينالدىردى. بارلىعى دا وسى جەردەن ينتەگراتسيانى، نارىقتى، قارجىنى تابامىز دەپ ۇمىتتەنەدى. مىنە، ش ى ۇ- عا وسىنداي سەنىم بار جانە ءبىز وسى باعىتتا جۇمىس ىستەپ جاتىرمىز»، - دەدى نۇرسۇلتان نازاربايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى