ق ر پرەزيدەنتى بەيجىڭ- استانا- ماسكەۋ- بەرلين باعىتىندا تەمىرجول سالۋدى ۇسىندى
«ش ى ۇ- نىڭ ساپالى ەكونوميكالىق سەرپىلىسىنە ينفراقۇرىلىمدىق مەگاجوبالار سەپتىگىن تيگىزە الادى. بۇل قۋاتتى مۋلتيۇجىمدىق تيىمدىلىكتى قامتاماسىز ەتىپ، عىلىمي جانە قارجىلىق الەۋەتتى جۇمىلدىرۋعا، ش ى ۇ- عا مۇشە مەملەكەتتەردىڭ كوپتەگەن ماماندارىن جۇمىسقا ورنالاستىرۋعا مۇمكىندىك بەرەدى»، - دەدى ەلباسى.
وسى رەتتە مەملەكەت باسشىسى مىسال رەتىندە بەيجىڭ- استانا- ماسكەۋ- بەرلين باعىتى بويىنشا ەۋرازيالىق جوعارى جىلدامدىقتى تەمىرجول ماگيسترالىن سالۋ يدەياسىن ۇسىندى.
«مۇنداي باعداردى ش ى ۇ- عا مۇشە باسقا مەملەكەتتەر ارقىلى دا جۇرگىزۋگە بولادى. بۇل ءبىزدىڭ ۇيىم ءۇشىن اسا ماڭىزدى. بۇل جوبانى جۇزەگە اسىرۋ ش ى ۇ، ەۋرازيالىق ەكونوميكالىق وداقتىڭ، كەلەشەكتە ەۋروپالىق وداقتىڭ ءوزارا ءىس- قيمىلىنىڭ پەرسپەكتيۆالى فورماتىن بىرىكتىرۋدى جۇزەگە اسىرادى دەپ ويلايمىن»، - دەدى نۇرسۇلتان نازاربايەۆ.
قازاقستان پرەزيدەنتى كەلەسى ايدا «ەكسپو-2017» كورمەسىنىڭ ورنىندا «استانا» حالىقارالىق قارجى ورتالىعىنىڭ رەسمي ىسكە قوسىلۋى جوسپارلانىپ وتىرعاندىعىن ايتتى.
«بىزگە الەمدىك قارجى ورتالىقتارىنىڭ ۇزدىك مودەلدەرىن جۇزەگە اسىرۋ قاجەت. ورتالىق قازاقستان ەكونوميكاسىن عانا ءارتاراپتاندىرىپ قويماي، ش ى ۇ- نىڭ بارلىق ەلدەرىنىڭ قارجى ينستيتۋتتارىنىڭ دامۋىنا وڭ سەپتىگىن تيگىزەدى. ش ى ۇ ەلدەرىنىڭ قارجى ينستيتۋتارىن، بيزنەس قوعامداستىقتارىن، ىسكەرلىك توپتارىن وسى جىلدىڭ 5 شىلدەسىندە ا ح ق و مۇمكىنشىلىكتەرىن كەڭىنەن پايدالانۋعا شاقىرامىن»، - دەدى ەلباسى.
مۇنان بولەك، وتىرىستا نۇرسۇلتان نازاربايەۆ ش ى ۇ- نىڭ ستراتەگيالىق باسىمدىعىن اتاپ، جاڭا تەحنولوگيالار بويىنشا تاجىريبە الماساتىن الاڭ قۇرۋدى ۇسىندى.
ايتا كەتەيىك، وتىرىسقا قازاقستان پرەزيدەنتى نۇرسۇلتان نازاربايەۆ، رەسەي پرەزيدەنتى ۆلاديمير پۋتين، قىرعىز پرەزيدەنتى سوورونباي جەەنبەكوۆ، پاكىستان پرەزيدەنتى مامنۋن حۋسەين، تاجىكستان پرەزيدەنتى ەمومالي راحمون، وزبەكستان پرەزيدەنتى شاۆكات ميرزيەيەۆ، ءۇندىستان پرەمەر- ءمينيسترى نارەندرا مودي، ش ى ۇ- عى بايقاۋشى مارتەبەسى بار اۋعانستان پرەزيدەنتى اشراف عاني، بەلارۋس پرەزيدەنتى الەكساندر لۋكاشەنكو، يران پرەزيدەنتى حاسان روۋحاني جانە موڭعوليا پرەزيدەنتى حالتمااگيين باتتۋلا جانە ءبىرقاتار حالىقارالىق ۇيىمنىڭ باسشىلارى قاتىسۋدا.
كەڭەيتىلگەن قۇرامداعى وتىرىستان كەيىن ءسامميتتىڭ باستى قۇجاتى چيڭداۋ دەكلاراتسياسى قابىلدانىپ، 20 دان استام قۇجاتقا قول قويىلماق. ونىڭ 17 سىن مەملەكەت باسشىلارى راسىمدەيدى.
