تالدىقورعاندا «مەن قازاقپىن» حالىقارالىق جوباسىنىڭ وڭىرلىك جەڭىمپازدارى انىقتالدى
شاراعا الماتى وبلىسىنىڭ اۋدان- قالالارىنان كەلگەن 40-قا جۋىق ونەرپاز قاتىستى، دەپ حابارلايدى قازاقپارات ءتىلشىسى.
ىرىكتەۋ كەزەڭى ءۇش نوميناتسيا بويىنشا ءوتتى. ءداستۇرلى ءان، تەرمە ايتىپ، كۇي تارتۋدا باق سىناعان قاتىسۋشىلارعا «مەن قازاقپىن» جوباسىنىڭ جەڭىمپازى بەيبىت مۇسايەۆ، ايتىسكەر اقىن ايتاقىن بۇلعاقوۆ پەن كۇيشى تالعات ورازايەۆ تورەلىك ەتتى. تارتىستى باسەكەدە ءداستۇرلى ءان نوميناتسياسىندا ەڭبەكشى قازاق اۋدانىنان كەلگەن قايرات بەكتۇرسىن ۇزدىك دەپ تانىلسا، تەرمە ورىنداۋدا جامبىل اۋدانىنىڭ ونەرپازى ەسبول شانبايەۆ توپ جاردى.
ال كۇي شەرتۋدە «الاتاۋ اۋەندەرى» كونسەرتتىك بىرلەستىگى اتىنان شىققان كۇيشى تانات سادەنوۆ جولداما الدى. ەندى جەڭىمپازدار Qazaqstan ۇلتتىق تەلەارناسى ارقىلى كورسەتىلەتىن رەسپۋبليكالىق «مەن قازاقپىن» مەگا- جوباسىنا قاتىسىپ، باقتارىن سىنايدى.
ايتا كەتۋ كەرەك، بىلتىر شىمىلدىعىن تۇرگەن «مەن قازاقپىن» جوباسىندا ءداستۇرلى ءان نوميناتسياسىنىڭ باس جۇلدەسىن جەتىسۋلىق ءانشى بەيبىت مۇسايەۆ ەنشىلەگەن بولاتىن.
