شەتەلدىك سۋرەتشىلەر استانانى بەينەلەيدى

«ءىس- شارانىڭ اشىلۋ سالتاناتى 12- ماۋسىمدا ق ر ۇلتتىق مۋزەيىندە وتەدى. ال 6- ماۋسىمنان باستاپ قىلقالام شەبەرلەرى استانا بويىنشا تانىمدىق ەكسكۋرسياعا قاتىسىپ، ەلوردانىڭ كورىكتى جەرلەرىن سۋرەتتەيدى. شاراعا وتاندىق سۋرەتشىلەرمەن قوسا ا ق ش، ەۋروپا، رەسەي، برازيليا، جاپونيا مەن ءۇندىستان سىندى ەلدەردىڭ ۇزدىك قىلقالام شەبەرلەرى قاتىسادى. بۇل فەستيۆالگە 250 گە جۋىق سۋرەتشى قاتىسۋعا نيەت بىلدىرگەن. بىراق، بىز 20 سىن ىرىكتەپ الدىق» ، - دەدى فەستيۆال اۆتورى، ع. مۇسىرەپوۆ اتىنداعى بالالار جانە جاسوسپىرىمدەر مەملەكەتتىك تەاترىنىڭ ديرەكتورى ءسابيت ءابدىحالىقوۆ.

ال «ناز» مەملەكەتتىك ءبي تەاترىنىڭ ديرەكتورى سۇلتان سرايىلوۆتىڭ ايتۋىنشا، سۋرەتشىلەر ەلوردانىڭ كورىكتى جەرلەرىن، عيماراتتار، ونەر، بىلىم، مادەنيەت وشاقتارى مەن قالانىڭ تابيعاتىن بەينەلەيدى. فەستيۆالگە قاتىسقان كوركەمسۋرەت تۋىندىلارى ق ر ۇلتتىق مۋزەيىنىڭ قورىنا تابىستالادى.

ءباسپاسوز ماجىلىسىنە قاتىسقان ۇلىبريتانيا كورولدىك ونەر قاۋىمىنىڭ مۇشەسى, قىلقالام شەبەرى الەكساندرا كوننور ەلوردا ەرەكشە سۇلۋ ءارى ەنەرگياسى مول قالا ەكەنىن ايتتى.

«مەن استاناعا العاش رەت كەلىپ وتىرمىن. بۇل ءىس- شاراعا مەنى شاقىرعانىنا قۋانىشتىمىن. جانە دە مەن 20 جىلدىڭ ىشىندە قالادا وسىنداي ادەمى عيماراتتاردىڭ سالىنعانىنا تاڭ قالدىم. سەبەبى 20 جىل ىشىندە بۇنداي قالا سوعۋ وتە قيىن. ءبىراق، سىزدەر ونى جاسادىڭىزدار. مەن مەملەكەتتەرىڭىزدىڭ وسىنداي دارەجەگە جەتكەنىنە قۋانىشتىمىن» ، - دەدى الەكساندرا كوننور.

اتاپ وتسەك، حالىقارالىق مادەني ءىس- شارانى ق ر مادەنيەت جانە سپورت مينيسترلىگى ۇيىمداستىرىپ وتىر.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى