مەيرامبەك بەسپايەۆ پەن ايگۇل ۇلكەنبايەۆا استاناداعى اۋقىمدى شوۋدا ونەر كورسەتەدى

ۇلتتىق دومبىرا مەرەكەسىندە قازاق دالاسىنىڭ ەڭ تانىمال كۇيلەرى وينالادى. ايتۋلى شوۋعا ونەر جۇلدىزدارىمەن ءبىر ساحنادا قاتىسۋدى قالايتىندار www.asyldombyra.kz سايتىندا ونلاين تىركەلىپ، قاتىسۋ شارتتارى تۋرالى اقپاراتپەن تانىسۋى ءتيىس.

«1 - شىلدە كۇنى 12:00 دە «قازاق ەلى» مونۋمەنتىنىڭ الدىنداعى الاڭدا ەلوردا اۋەنىن بىرگە شىرقايىق! تولىق اقپاراتتى www.asyldombyra.kz سايتىنان الۋعا بولادى، سونداي- اق ينستاگرامداعى @asyldombyra.kz پاراقشاسىنداعى جاڭالىقتارعا قۇلاق تۇرە جۇرىڭىزدەر» ، - دەپ حابارلايدى شارانى ۇيىمداستىرۋشىلار.

وسى كۇنى «مۇزارت» ، «اسىل» توپتارى، اسىلبەك ەڭسەپوۆ سەكىلدى كوپتەگەن قازاقستاندىق جۇلدىزداردىڭ قاتىسۋىمەن مەرەكەلىك كونتسەرت ۇيىمداستىرىلادى. الاڭدا بوي كوتەرگەن ەتنو- اۋىلدىڭ قاق ورتاسىندا دومبىرا مۋزەيى، ال قالعان كيىز ۇيلەردە قازاقتىڭ حالىق اسپاپتارىنىڭ مۋزەيلەرى ورنالاسادى. شاراعا كەلۋشىلەردى قولونەر شەبەرلەرىنىڭ كيىز ۇيلەرى قوناق قىلادى، وندا مۋزىكالىق اسپاپتاردىڭ دايىندالۋ پروتسەسى مەن تەحنولوگيالارىن كورۋگە بولادى.

مەرەكەگە قاتىسۋعا بارشا قاۋىم شاقىرىلادى.

جاپپاي دومبىرا تارتۋعا قاتىسۋ ءۇشىن: «كوڭىل اشار» ، «اداي» ، «بالبىراۋىن» ، «ەركە سىلقىم» ، «سارى- ارقا» كۇيلەرىن ءبىلۋ جانە تىركەۋدەن ءوتۋ قاجەت.

دايىندىق 30 -ماۋسىم كۇنى 12:00 دە بولادى. وعان قاتىسۋ مىندەتتى. رەپەتيتسيادا قاتىسۋشىلارعا قوسىمشا اقپاراتتار بەرىلىپ، ارنايى بەيدجيكتەر تاراتىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى