ساراپشى نۇرسۇلتان نازاربايەۆتىڭ قىتايعا ساپارىنا قاتىستى پىكىر ءبىلدىردى
«مەملەكەت باسشىسى نۇرسۇلتان نازاربايەۆتىڭ ق ح ر- عا ساپارى ەكىجاقتى قارىم- قاتىناس ءۇشىن، اسىرەسە ەكى ەل باسشىلارىنىڭ تۇلعاارالىق قارىم- قاتىناسى تۇرعىسىندا ۇلكەن ماڭىزعا يە. قىتايدا سوڭعى جارتى جىلدا ەل ءۇشىن اسا ماڭىزدى ساياسي وزگەرىستەر بولدى. ق ح ر كوشباسشىسى شي جينپيڭ ءوز بيلىگىن نىعايتتى، ال ق ح ر- دىڭ جانە قىتاي كوممۋنيستىك پارتياسىنىڭ باسشىلار قۇرامى ايتارلىقتاي وزگەرىسكە ۇشىرادى»، - دەپ اتاپ ءوتتى ول.
بيىل ماۋسىمدا قازاقستان پرەزيدەنتى اسپان استى ەلىن ۇزاق ۋاقىت بويى باسقاراتىن قىتاي باسشىلارىنىڭ جاڭا كومانداسىمەن كەزدەستى، دەپ ءتۇسىندىردى ساراپشى.
«وسى تۇرعىدان العاندا قازاقستان باسشىلىعىنىڭ شي جينپيڭنىڭ جاڭا كومانداسىمەن جەكە بايلانىس ورناتۋى زور ماڭىزعا يە. سوندىقتان، ق ر پرەزيدەنتىنىڭ ءتوراعا شي جينپيڭمەن جانە پرەمەر لي كىشياڭمەن ءداستۇرلى كەزدەسۋىنەن بولەك، بۇكىل قىتايلىق حالىق وكىلدەرى جينالىسىنىڭ (قىتاي پارلامەنتى) جاڭا ءتوراعاسى لي جانشۋمەن كەزدەسۋى، سونداي- اق تۇراقتى كوميتەت پەن ۇكىمەتتىڭ باسقا دا مۇشەلەرىمەن قارىم- قاتىناس ورناتۋىنىڭ ماڭىزى ەرەكشە. قازاقستان مەن تاياۋدا عانا سايلانعان قىتاي باسشىلىعى اراسىندا جۇمىس اتموسفەراسى قالىپتاسۋ ۇستىندە»، - دەپ اتاپ ءوتتى انتون بۋگاەنكو.
انتون بۋگاەنكونىڭ ايتۋىنشا، قازاقستان اسا تىعىز ەكونوميكالىق ىنتىماقتاستىققا ۇمتىلۋدا، ءوندىرىسى اناعۇرلىم اۋقىمدى سالالار بىرتىندەپ قىتاي نارىعىنا بەت الۋدا. ونىڭ پىكىرىنشە، بۇل جەردە ەلدەر ۇكىمەتىنىڭ ءىس- ارەكەتىنىڭ ۇيلەسىمى بۇرىنعىدان دا ماڭىزدىراق.
سونداي- اق ول پراكتيكالىق تۇرعىدان قازاقستاننان قىتايعا ەكسپورتتالاتىن سيىر ەتى بويىنشا ۆەتەرينارلىق- سانيتارلىق، كارانتيندىك جانە ينسپەكتسيالىق تالاپتارى تۋرالى قازاقستان رەسپۋبليكاسى اۋىل شارۋاشىلىعى مينيسترلىگى مەن قىتاي حالىق رەسپۋبليكاسىنىڭ باس كەدەن باسقارماسى اراسىنداعى حاتتاماعا قول قويىلۋى اسا ماڭىزدى ەكەنىن ايتتى.
ايتا كەتەيىك، ەلباسى نۇرسۇلتان نازاربايەۆ قىتايعا مەملەكەتتىك ساپارمەن كەلىپ، كەشە ق ح ر ءتوراعاسى شي جينپيڭ كەڭەيتىلگەن قۇرامدا كەلىسسوزدەر وتكىزدى.
ناتيجەسىندە بىرنەشە قۇجاتقا قول قويىلدى.
