قازاقستانداعى قىتايدىڭ بۇرىنعى ەلشىسى ق ح ر س ءى م ورىنباسارى بولىپ تاعايىندالدى
بۇل تۋرالى قازاقپارات ءتىلشىسى ق ح ر سىرتقى ساياسي ۆەدومستۆوسىنىڭ رەسمي سايتىنا سىلتەمە جاساپ حابارلايدى.
ءمالىم ەتىلگەندەي، جاڭ حانحۋەي قازاقستانداعى ەلشى قىزمەتىن اياقتاعاننان كەيىن، ق ح ر سىرتقى ىستەر ءمينيسترىنىڭ كومەكشىسى بولىپ تاعايىندالدى.
جاڭ حانحۋەي 1963 -جىلى لياۋنيڭ پروۆينتسياسىندا دۇنيەگە كەلگەن. ەڭبەك جولىن 1988-1992 - جىلدار ارالىعىندا بەيجىڭ قالاسىنداعى ديپلوماتتارعا قىزمەت كورسەتۋ بيۋروسىندا اۋدارماشى لاۋازىمىنان باستاعان.
1992-1995 -جىلدارى قىتايدىڭ قىرعىزستانداعى ەلشىلىگىنىڭ ءۇشىنشى حاتشىسى؛ 1995-2001 -جىلدارى ق ح ر سىرتقى ىستەر مينيسترلىگى ەۋرازيا دەپارتامەنتىنىڭ ءۇشىنشى حاتشىسى، ديرەكتورىنىڭ ورىنباسارى جانە ديرەكتور قىزمەتتەرىن اتقارعان.
2001-2014 - جىلدارى ق ح ر- دىڭ ۋكرايناداعى ەلشىلىگىنىڭ كەڭەسشىسى، ق ح ر سىرتقى ىستەر مينيسترلىگى ەۋرازيا دەپارتامەنتى كەڭەسشىسى جانە ەۋرازيا دەپارتامەنتىنىڭ باسشىسى بولدى.
2014-2018 -جىلدارى ق ح ر- دىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ميسسياسىن اتقاردى.
اۆتور: مۇحتار قاليموللا ۇلى
