بەس الەۋمەتتىك باستاما: شاعىن نەسيە الۋ ءۇشىن نە ىستەۋ كەرەك
ونىڭ ايتۋىنشا، بيىل قازاقستان تۇرعىندارىنا 14 مىڭ شاعىن نەسيە بەرۋ كوزدەلگەن، ونىڭ 11 مىڭى - اۋىلدىق جەردەگى تۇرعىندارعا بەرىلەتىن بولسا، قالعان 3 مىڭىن - قالالار مەن مونوقالا تۇرعىندارى الادى.
«نارىقتا 3 جىلدان استام جۇمىس ىستەگەن كاسىپكەرلەرگە شاعىن نەسيە بەرىلمەيدى. مۇندا جۇمىسسىز، ءوزىن- ءوزى جۇمىسپەن قامتىعان جانە كاسىپكەرلىكتى جاڭادان باستاعان ۇمىتكەرلەردى، فريلانسەرلەردى قارجىلاندىرۋعا باسىمدىق بەرىلەدى» ، - دەدى جەڭىسبەك دۋلاتوۆ ۇكىمەت ۇيىندە وتكەن باسپا ءسوز ءماسليحاتىندا.
سونداي- اق، دەپارتامەنت باسشىسى اۋىل تۇرعىندارى ءونىمىن وتكىزۋ ءۇشىن ءىرى وڭدەۋشى كومپانيالارمەن كەلىسىمشارت بەكىتۋدە كومەك كورسەتىلەتىنىن ەسكە سالدى.
«اۋىلدىق جەرلەردە دايىن ءونىمدى ساتاتىن نارىق از، تۇرعىندار تاۋاردى قايدا ساتاتىنىن بىلمەيدى. سوندىقتان، زاكىرلىك اۋىلشارۋاشىلىق كووپەراتسيالارى ءۇشىن 10 ميلليارد تەڭگە قاراستىرىلعان. قارجىلاندىرۋ ءىرى وڭدەۋ كومپانيالارىمەن كەلىسىمشارتقا قول قويۋ ناتيجەسىندە جۇزەگە اسىرىلادى» ، - دەپ ءوز ءسوزىن تولىقتىردى ول.
ءباسپاسوز ءماسليحاتىندا جەڭىسبەك دۋلاتوۆ شاعىن نەسيەلەۋدىڭ شەكتى كولەمدەرىن اتادى. اۋىل تۇرعىندارى ءۇشىن 6 ميلليون تەڭگەگە دەيىن، زاكىرلىك كووپەراتسيالار ءۇشىن - 12 ميلليون تەڭگەگە دەيىن نەسيە بەرىلەدى. الماتى، استانا، اقتاۋ مەن اتىراۋ تۇرعىندارى ءۇشىن نەسيە كولەمى - 19 ميلليون تەڭگەدەن، ال وزگە قالا تۇرعىندارى ءۇشىن - 15 ميلليون تەڭگەدەن اسپاۋى ءتيىس. قارجىلاندىرۋ مەرزىمى جىلىنا % 6 كە دەيىن 7 جىلعا دەيىن سوزىلادى.
«شاعىن نەسيە العىسى كەلگەندەر «اتامەكەن» ۇلتتىق كاسىپكەرلەر پالاتاسىنىڭ فيليالدارىنا بارا الادى. ءارى قاراي «باستاۋ بيزنەس» باعدارلاماسى بويىنشا ەڭ كەمى 25 كۇن وقۋى ءتيىس. وقىتۋ سوڭىندا ۇمىتكەر تەست تاپسىرىپ، ارنايى سەرتيفيكات الادى. ىقتيمال قاتىسۋشى وقىپ جاتقاندا، ۇ ك ق قىزمەتكەرلەرى نەسيە الۋعا قاجەتتى قۇجاتتاردى جيناۋعا كومەكتەسەدى. قارجى ينستيتۋتى ءوتىنىمدى 2 اپتا قارايدى» ، - دەپ ءتۇسىندىردى ج. دۋلاتوۆ.
ەسكە سالا كەتسەك، پرەزيدەنتتىڭ بەس الەۋمەتتىك باستاماسىنىڭ ءبىرى «شاعىن نەسيە بەرۋدى كوبەيتۋ» دەپ اتالادى. وندا ءوزىن- ءوزى ەڭبەكپەن قامتىعان جانە جۇمىسسىز تۇرعىندار اراسىندا جاپپاي كاسىپكەرلىكتى دامىتۋ ءۇشىن جەڭىلدەتىلگەن شاعىن نەسيە بەرىلەدى.
2018 -جىلى ەلباسى قوسىمشا 20 ميلليارد تەڭگە ءبولىپ، شاعىن نەسيەلەردىڭ جالپى سوماسىن 62 ميلليارد تەڭگەگە جەتكىزۋدى تاپسىردى. ناتيجەسىندە شاعىن نەسيە الاتىنداردىڭ سانى 2017 -جىلمەن سالىستىرعاندا 2 ەسەگە ارتىپ، 14 مىڭ ادامعا جەتەتىن بولادى.
