قازاق ۇلتتىق ۋنيۆەرسيتەتى الەمنىڭ ۇزدىك جوعارى وقۋ ورىندارىنىڭ قاتارىنا كىردى
باسپاءسوز مالىمەتتەرىنە قاراعاندا، قازاقستاندىق جوعارى وقۋ ورىندارى وسىنشالىقتى جوعارى دەڭگەيدەگى جەتىستىككە تۇڭعىش رەت قول جەتكىزىپ وتىر.
ۇدىكتەر توبىنا پوستكەڭەستىك كەڭىستىكتەن تەك ەكى ۋنيۆەرسيتەت كىرگەن. ولار قازۇۋ جانە لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (ر ف).
ەلباسى قازاقستاننىڭ جوعارى وقۋ ورىندارىنىڭ الدىنا الەمدەگى ەڭ ۇزدىك 200 ج و و قاتارىنا كىرۋ مىندەتىن قويىپ وتىر. قازاق ۇلتتىق ۋنيۆەرسيتەتى الەمدىك كەڭىستىكتە مويىندالعان ەلىمىزدىڭ جەتەكشى ۋنيۆەرسيتەتى رەتىندە وسى ماڭىزدى مەملەكەتتىك تاپسىرمانى ىسكە اسىرۋدا جۇيەلى جۇمىس اتقارۋدا. سوڭعى بەس جىلدا ۋنيۆەرسيتەت «QS WUR» رەيتينگىسىندە 400 دەن استام پوزيتسياعا كوتەرىلدى. الەمدىك تاجىريبەدە بىردە- ءبىر ۋنيۆەرسيتەت وسىنداي ءوسۋ ديناميكاسىنا قول جەتكىزبەگەن.
QS الەمدەگى بارشا مەملەكەتتەرمەن تانىلعان بەدەلدى جانە كوپتەگەن جىلدار بويى الەمدەگى ۇزدىك جوعارى وقۋ ورىندارىنىڭ جاھاندىق رەيتينگىسىن جۇرگىزىپ كەلە جاتقان ىقپالدى حالىقارالىق اگەنتتىكتەردىڭ ءبىرى.
قازاق ۇلتتىق ۋنيۆەرسيتەتىنىڭ وسى رەيتينگىدە تابىستى ىلگەرىلەۋىنىڭ ماڭىزدى فاكتورى كەڭ اۋقىمدى قۇرىلىمدىق مودەرنيزاتسيا، ناتيجەگە باعىتتالعان باسقارۋدىڭ جوعارى تيىمدىلىگى، سونداي- اق سوڭعى بەس جىل ىشىندە 40 پايىزعا وسكەن بىرەگەي ينفراقۇرىلىمنىڭ قارقىندى دامۋى بولىپ تابىلادى. الەمدىك دەڭگەيدەگى زەرتتەۋ ۋنيۆەرسيتەتىنە اينالۋ باعىتىن ساقتاي وتىرىپ، قازۇۋ مەديتسينا- بيولوگيالىق جانە يننوۆاتسيالىق IT كلاستەرىن قالىپتاستىرۋ بويىنشا جۇمىس جاساۋدا، ونىڭ نەگىزىن جاڭا سۋپەركومپيۋتەر قۇرايتىن بولادى.
ۋنيۆەرسيتەتتىڭ الەمدىك دەڭگەيدە تانىلۋى سونىمەن بىرگە قازاق ۇلتتىق ۋنيۆەرسيتەتىنىڭ تۇراقتى دامۋ بويىنشا ب ۇ ۇ- نىڭ «اكادەميالىق ىقپال» باعدارلاماسىنىڭ عالامدىق حابى رەتىندەگى بەلسەندى قىزمەتىمەن جانە ونىڭ حالىقارالىق جوبالارىمەن دە بايلانىستى. ولاردىڭ ىشىندە قازاق ۇلتتىق ۋنيۆەرسيتەتى ۇسىنعان يننوۆاتسيالىق- تەحنولوگيالىق جانە رۋحاني- ادامگەرشىلىك پلاتفورمالاردىڭ سيمبيوزىنا نەگىزدەلگەن «ۋنيۆەرسيتەت 4.0» جاڭا بۋىن ۋنيۆەرسيتەتىنىڭ مودەلى بار.
بۇگىندە قازاق ۇلتتىق ۋنيۆەرسيتەتىنىڭ تاڭعالارلىق تاجىريبەسىن الەمنىڭ جەتەكشى ۋنيۆەرسيتەتتەرى زەرتتەۋ ۇستىندە، بۇل ۋنيۆەرسيتەتتىڭ جوعارى باسەكەگە قابىلەتتىلىگىنىڭ كورسەتكىشى بولىپ تابىلادى. جەتەكشى قازاقستاندىق جوعارى وقۋ ورنىنىڭ الەمدىك عىلىمي ءبىلىم بەرۋ كەڭىستىگىندەگى ارتىپ كەلە جاتقان ءرولىن ەسكەرە وتىرىپ، QS «World University Rankings» اتقارۋ كەڭەسى 2019 -جىلدىڭ قىركۇيەگىندە ءال- فارابي اتىنداعى قازاق ۇلتتىق ۋنيۆەرسيتەتى نەگىزىندە بۇكىلالەمدىك فورۋم جانە جوعارى وقۋ ورىندارىنىڭ حالىقارالىق كورمەسىن وتكىزۋ تۋرالى شەشىم قابىلدادى.
