ا ق ش پەن سولتۇستىك كورەيا اراسىنداعى تاريحي كەزدەسۋگە قاۋىپ ءتوندى
«دونالد ترامپ ك ح د ر باسشىسى كيم چەن ىنمەن سامميت وتپەيدى دەپ حابارلاعاننان كەيىن، ول ءتورت اياقتاپ كەلىپ كەزدەسۋ وتكىزۋدى جالىنىپ سۇرادى. ءبىز ونى ورنىنا قويعىمىز كەلەدى» ، - دەدى رۋدي دجۋلياني.
سونىمەن قاتار، ول Bloomberg تەلەفونمەن بەرگەن سۇحباتىندا بۇل سوزدەرىمەن اكىمشىلىك اراسىندا ورتاق ەشتەمە جوق ەكەنىن العا تارتقان.
«بۇل مەنىڭ سوزدەرىم. ولاردىڭ اكىمشىلىكپەن ورتاق ەشتەمەسى جوق»، - دەدى ول تەلەفونمەن بەرگەن سۇحباتىندا.
ول اتاپ وتكەندەي، پرەزيدەنت اكىمشىلىگى ونىڭ ويىنا قاتىستى ەشتەمە دەمەگەن جانە ولار سولتۇستىك كورەيالىقتاردىڭ كوڭىلىن تۇسىرمەيدى.
ايتا كەتەيىك، 24 - مامىردا دونالد ترامپ ك ح د ر- نىڭ اشىق تۇردە قوقانلوققى كورسەتۋىنە بايلانىستى 12 - ماۋسىمعا بەلگىلەنگەن سولتۇستىك كورەيالىق باسشىمەن سامميتتى بولمايدى دەپ جاريالادى. ونىڭ ۇستىنە، اق ءۇيدىڭ پحۋنگەريدەگى سولتۇستىك كورەيانىڭ يادرولىق پوليگونىنىڭ بۇزىلۋىنا كوڭىلى تولماي وتىر.
وسى رەتتە، ك ح د ر ترامپتىڭ كيم چەن ىنمەن كەزدەسۋدى بولدىرماۋىنا بايلانىستى كەز كەلگەن ۋاقىتتا قالاعان ۇلگىدە ا ق ش- پەن سامميت وتكىزۋگە دايىنبىز دەپ جاۋاپ قايتارعان.
ال، 27 - مامىردا اق ءۇيدىڭ باسپا ءسوز حاتشىسى سارا ساندەرس ا ق ش دەلەگاتسياسى ك ح د ر- مەن سامميت وتكىزۋ ماقساتىندا دايىندىق جۇمىستارىن جۇرگىزۋ ءۇشىن سينگاپۋرگە باراتىنىن حابارلادى. دونالد ترامپ پەن كىم چەن ىن اراسىنداعى كەزدەسۋ سينگاپۋردىڭ سەنتوس ارالىنداعى Capella قوناقۇيىندە وتەدى.
Baq.kz
