وڭتۇستىك قازاقستاندا ەكوتۋريزم قارقىندى دامۋدا
بۇگىن بۇل تۋرالى و ق و وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى قامىتبەك جورابايەۆ ءمالىم ەتتى.
ونىڭ ايتۋىنشا، قازىرگى تاڭدا دۇنيەجۇزىلىك مانگە يە بولىپ وتىرعان بۇل سالا تەك كوركەم تابيعاتىمەن عانا شەكتەلمەي، تاريح پەن ارحەولوگيالىق قازبالاردىڭ، مادەنيەت پەن وركەنيەتتىڭ، ساۋلەت پەن ەسكەرتكىشتەردىڭ تارتىمدىلىعىمەن ەرەكشەلەنىپ وتىر.
«ايتا كەتەرلىگى، ەكوتۋريزم باعىتىن دامىتىپ وتىرعان اقسۋ- جاباعىلى مەن قاراتاۋ قورىقتارى، سايرام- وگەم ۇلتتىق پاركى جانە سىرداريا- تۇركىستان وڭىرلىك تابيعي پاركى سياقتى مەملەكەتتىك مەكەمەلەردىڭ ۇلەسى مول. ودان بولەك، وبلىس اۋماعىندا ەرەكشە قورعالاتىن تابيعي اۋماقتارعا جاتقىزىلعان 1 زوولوگيالىق جانە 1 دەندرولوگيالىق پارك، 16 مەملەكەتتىك تابيعي ەسكەرتكىش بار. سونداي-اق، وڭىردە بوتانيكالىق ءارالۋاندىلىقتى ساقتاۋ ماقساتىنداعى 7 تابيعي قاۋمال ۇيىمداستىرىلعان. ولار: اقدالا، تەمىر، بورالداي، زاداريا، جامبىل قاۋمالدارى»، - دەدى قامىتبەك قاسىمبەك ۇلى.
قۋانارلىعى، وبلىستاعى ەرەكشە قورعالاتىن تابيعي اۋماقتارعا كەلۋشىلەردىڭ لەگى جىل ساناپ ءوسىپ كەلەدى. ماسەلەن، 2014 -جىلى 18623 ادام بولسا، 2017 -جىلى 25687 ادام دەمالۋعا كەلگەن. ياعني دەمالۋعا كەلگەن تۋريستەر سانى ءۇش جىل ىشىندە 40 پايىزعا ارتقان.
«وڭتۇستىك حالقىنىڭ، ونىڭ ىشىندە شىمكەنت قالاسى تۇرعىندارىنىڭ ەڭ كوپ دەمالۋعا باراتىن ورىندارى بولىپ سايرام- وگەم ۇلتتىق پاركىنىڭ قاسقاسۋ، سايرامسۋ، بىركولىك، وگەم، ماشات، كوكبۇلاق شاتقالدارى سانالادى. بۇگىندە «التىن ءدان»، «ەكسپەرت-سەرۆيس»، «قاسقاسۋ- تۋر» سياقتى دەمالىس ورىندارى تۋريستەرگە قىزمەت كورسەتۋدە جەمىستى ەڭبەك ەتىپ كەلەدى»، - دەدى قامىتبەك جورابايەۆ.
وبلىستاعى ەرەكشە قورعالاتىن تابيعي اۋماقتاردا وسىمدىكتەردىڭ 1800 دەن استام ءتۇرى بار. سونداي-اق، قازاقستاننىڭ قىزىل كىتابىنا ەنگەن وسىمدىكتەردىڭ 50 دەن استام ءتۇرى وسسە، ءسۇت قورەكتى جانۋارلاردىڭ 41 ءتۇرى، قۇستاردىڭ 300 گە جۋىق ءتۇرى مەكەن ەتەدى.
