ءۇرجار جاستارى ءان ايتىپ، ءبي بيلەپ، تۇسكەن اقشاعا قايىرىمدىلىق كورسەتتى
ايتا كەتەيىك، ءۇرجار اۋداندىق «جاستار رەسۋرتىق ورتالىعى» مەن ورتالىق مەشىت جانىنان قۇرىلعان جاستار كەڭەسى مادەنيەت ۇيىندە قايىرىمدىلىق كونتسەرت ۇيىمداستىرىپ، وعان بارلىق اۋدان تۇرعىندارى شاقىرىلعان بولاتىن.
قايىرىمدىلىق شارادا جەرگىلىكتى ونەرپازدار ءان ايتىپ، ءبي بيلەسە، اۋداننىڭ بەلسەندى جاستارى رامازان ايى تۋرالى كورىنىستەرىن كورسەتتى.
كونسەرتتەن جينالعان قاراجاتقا كومەككە مۇقتاج وتباسىلارعا ۇن، ماي، قانت، ءشاي سەكىلدى كۇندەلىكتى قاجەتتى ازىق-تۇلىكتەر تارتۋ ەتىلدى.
«رامازان - ايلاردىڭ ەڭ قايىرلىسى، ۋاقىتتىڭ ەڭ قاسيەتتىسى دە كيەلىسى. بۇل ايدىڭ تاعى ءبىر ەرەكشەلىگى - تاماق پەن سۋسىننان تىيىلۋ ارقىلى وزگە مۇقتاج ادامداردىڭ جاعدايلارىن باستان وتكەرىپ، ولاردىڭ رامازاننان دا بولەك كۇندەردەگى كۇيلەرىن شىنايى سەزىنە ءتۇسۋ. سول سەبەپتى اۋداندىق مەشىتپەن بىرلەسىپ قايىرىمدىلىق كونتسەرت ۇيىمداستىرىپ، جاعدايى تومەن وتباسىلارعا كومەكتەسۋدى ءجون كوردىك»، - دەيدى «جاستار رەسۋرستىق ورتالىعىنىڭ» ديرەكتورى فارحات سۇلەيمەنوۆ.
جوققا كومەكتەسىپ، جومارتتىق جاساعان مول ساۋاپقا كەنەلەرى ھاق. رامازان ايىندا قايىرىمدىلىق قادامىنا بارعان اۋدان جاستارىنا كومەك كورسەتكەن وتباسىلار العىسىن جاۋدىردى.
