الەم قازاقستاندىق مۇنايعا ءزارۋ بولىپ قالا بەرەدى - «شەلل» باسشىسى

«بىزگە ءبىر جايدى ەسكەرۋ كەرەك. «Sky»  سسەناريى اياسىندا وزگەرىستەر جەدەل بولىپ جاتقانىمەن، 2050 -جىلعا دەيىن الەم ءالى دە بولسا قازىرگى مۇناي مەن گازدىڭ 85 پايىزدىق وندىرىسىنە ءزارۋ بولادى. ۇزاق ۋاقىت بويى الەم بۇرىنعىشا قازاقستاندىق مۇناي مەن گازدىڭ قاجەتتىلىگىن سەزىنەدى. الەم قاشاعان، قاراشىعاناق كەن ورىندارى جانە وزگە دە جوبالار اياسىندا ءبىزدىڭ بىرلەسكەن جۇمىسقا قاجەتتىلىكتى سەزىنەرى انىق»، - دەيدى ول.

بەن ۆان بەردەننىڭ ايتۋىنشا، «شەلل» كونسەرنى مۇمكىندىكتەردى، اتاپ ايتقاندا، بيووتىندى بولسىن، ەلەكتردى نەمەسە سۋتەكتى بولسىن پايدالانا وتىرىپ، الەمدىك بىرلەستىكتەرمەن بىرگە العا جىلجي بەرمەك.

«قازىرگى تاڭدا قازاقستان جاڭا ەنەرگەتيكالىق بولاشاققا قاراي باعىت الۋ تۇرعىسىندا شارالاردى جۇزەگە اسىرىپ جاتقانىن بىلەمىز. ەنەرگيانىڭ بالامالى كوزدەرىن قولدانۋ بويىنشا ءىرى اۋقىمداعى جوبالار اياسىندا 1 گيگاۆاتتىق اۋكسيون كوپتەگەن ەلدەردىڭ قىزىعۋشىلىعىن تۋدىرىپ وتىر. ءوزىنىڭ ديۆەرسيفيكاتسياسى مەن تابىستى تۇردە دامۋىنىڭ ارقاسىندا «شەلل» قازاقستانعا ەكونوميكانى ءتيىمدى تۇردە دامىتۋىنا كومەكتەسە الادى. ءبىزدىڭ بىرلەسە وتىرىپ، قيىندىقتاردى ەڭسەرۋگە شامامىز جەتەدى»، - دەيدى ول.

بەن ۆان بەردەن ءوز سوزىندە قازاقستان سەكىلدى تۇراقتى دامۋ جولىنا تۇسكەن مەملەكەتتەردىڭ كوپ ەمەس ەكەنىن تىلگە تيەك ەتتى.

«مىنە، ءبىز بۇگىن جەدەل تۇردە جاڭعىرۋ ماسەلەلەرىن وسىندا تالقىلاپ جاتىرمىز. قازاقستاننىڭ دامۋ كەلەشەگى ۇلكەن ءۇمىت كۇتتىرەدى. قارقىننىڭ وسىلاي قالا بەرەتىنىنە ەش كۇمانىم جوق»، - دەدى ول.

فوتو: vectornews.eu

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى