تيمۋر سۇلەيمەنوۆ: قازاقستان شيكىزات تاۋەلدىلىگىنەن قۇتىلىپ كەلەدى
«2017 -جىلى ج ءى و ءوسىمىنىڭ 4 پايىزى قامتاماسىز ەتىلگەن. ءبىزدىڭ جوسپارلار مەن بولجامدار بويىنشا وسى جىلى ءوسىم تاعى 4 پايىزدى قۇرايدى. ماقساتتى دالىزدە ينفلياتسيانىڭ دەڭگەيى 6,2 پايىز بولادى دەپ كۇتىلۋدە. جۇمىسسىزدىق دەڭگەيى تومەن قالىپتا - 4,9 پايىزدىق دەڭگەيدە قالادى. ەكونوميكا قۇرىلىمىنداعى ساپالى وزگەرىستەرگە كەلەتىن بولساق، كەلەسى جايدى اتاپ وتۋگە بولادى: 2010 جانە 2017 -جىل ارالىعىندا الەمدىك تەحنولوگيالىق ءتارتىپتىڭ اۋىسىمىنا بايلانىستى ءبىزدىڭ ج ءى ءو قۇرىلىمىندا قىزمەتتەردىڭ سالىستىرمالى سالماعى 52-دەن 58 پايىزعا ارتتى»، - دەدى تيمۋر سۇلەيمەنوۆ شەتەلدىك ينۆەستورلار كەڭەسىنىڭ پلەنارلىق وتىرىسىندا.
ءمينيستردىڭ ايتۋىنشا، ج ءى ءو قۇرىلىمىندا تاۋ- كەن ونەركاسىبىنىڭ كولەمى تومەندەپ كەلە جاتقانى قۋانتادى.
«باعالىق فاكتورلار بويىنشا جاعداي جايلى، تاۋ- كەن ونەركاسىبىنىڭ ۇلەسى ج ءى ءو- دە 19-دان 13 پايىزعا تومەندەدى. ءبىزدىڭ ەلدىڭ سىرتقى فاكتورلار مەن شيكىزاتتىق سەكتوردان تاۋەلدىلىگى تومەندەپ كەلە جاتقانىن وسىدان- اق كورۋگە بولادى. سونىمەن بىرگە، ءبىزدىڭ ديۆەرسيفيكاتسيانىڭ نەگىزگى درايۆەرلەرى - وڭدەۋ ونەركاسىبى مەن اۋىل شارۋاشىلىعى - شامامەن 11 جانە 5 پايىزدىق مولشەرمەن وسىدان جەتى جىل بۇرىنعى كورسەتكىشتە قالىپ وتىر»، - دەدى تيمۋر سۇلەيمەنوۆ.
مينيستر ءوز سوزىندە جاڭا ەكونوميكالىق مودەلگە كوشۋگە مۇمكىندىك بەرەتىن بەس قاعيداتتى اتادى. ونىڭ ەسەپتەۋىنشە، جاڭا ەكونوميكالىق مودەل ونىمدىلىككە كۇندەلىكتى ماڭىز بەرۋ جانە ساپا، ادامداردىڭ، كاسىپورىندار مەن سالالاردىڭ تەحنولوگيالارعا بەت بۇرۋى، باسەكەگە قابىلەتتىلىك جانە ايماقتىق دامۋدى تالاپ ەتەدى.
اۆتور: ايان بەكەن ۇلى
