مەنينگيت اۋرۋىنان ساقتانۋ

جىل سايىن ءتۇرلى وڭىردە بيىلعى كورسەتكىشتەن دە كوپ ادام وسى اۋرۋدان قازا تابادى. ساق تانۋ ءۇشىن جاي عانا كۇتىنۋ، تازالىق پەن تازا اۋا قاجەت.

اۋرۋدىڭ العاشقى بەلگىلەرى:

 • السىزدىك؛
 • بوزارۋ؛
بورتپە؛
تابەت تومەندەۋى؛
 • شولدەۋ، قۇسۋ؛
اياق- قول، ارقا اۋىرۋ؛
باس اۋىرۋ؛
تەمپەراتۋرا كوتەرىلىپ، قالتىراۋ؛

 • موينىن ارتقا قاراي شالقايتۋ؛

 • جارىق پەن قاتتى دىبىستان قورقۋ؛
ساندىراقتاۋ؛ ەگەر وسى بەلگىلەردىڭ ءبىرى كەزدەسكەن جاعدايدا مىندەتتى تۇردە دارىگەرگە قارالىڭىز. دەر كەزىندە انىقتالعان اۋرۋ مىندەتتى تۇردە ەمدەلەدى. ال اۋىرماۋدىڭ جولىن ىزدەۋ ءۇشىن:

ەڭ الدىمەن يممۋنيتەتىڭىزدى كۇشەيتىڭىز. ۋاقىتىلى ۇيقىڭىزدى قاندىرىپ، مەرزىمىمەن دۇرىس تاماقتانىپ، فيزيكالىق جاتتىعۋلاردى دا نازاردان تىس قالدىرماڭىز. كەمىندە اپتاسىنا 3-4 رەت دەنەڭىزدى شىنىقتىرىپ وتىرساڭىز، سىزگە ەش اۋرۋ جولاي المايدى.

 A، C، E جانە D دارۋمەندەرى مي قابىنۋىنىڭ الدىن الۋعا جاقسى كومەكتەسەدى. ۆ توبىنىڭ دارۋمەندەرى يممۋندىق جانە جۇيكە جۇيەسىن جاقسارتادى. بالىق مايى مەن باسقا دا مايلى قىشقىلدار قابىنۋ دەڭگەيىن تومەندەتىپ، يممۋنيتەتتىك جۇيەنى قورەكتەندىرەدى. اۋرۋ بەلگىلەرى بار ادامداردىڭ جانىندا قورعانىس قۇرالدارىن قولدانىڭىز. كوپشىلىك جينالعان ورىنداردا اۋزى- مۇرنىن جاپپاي تۇشكىرىپ، جوتەلىپ وتىرعان ادامدى بايقاساڭىز، ماسكا تاققانىڭىز دۇرىس. ال كينوتەاتر سەكىلدى 2-3 ساعات بويى اۋاسى جەلدەتىلمەي، جابىق تۇراتىن جەرلەرگە مۇلدە بارماۋعا تىرىسىڭىز.

باكتەريا اۋرۋ اداممەن تىعىز جاناسقان كەزدە عانا جۇعادى، ال 1 مەتردەن الشاقتا ورنالاسقان ادامنان ينفەكتسيا جۇعۋى ەكىتالاي، سوندىقتان اشىق الاڭقايدا ماسكا تاعۋدىڭ قاجەتى جوق. قولىڭىزدى ءجيى- ءجيى جۋىپ وتىرىڭىز. جۇمىستان كەيىن، لاس وبەكتىلەردى ۇستاعاندا، كوپشىلىك جينالاتىن جەرگە بارعاندا، ءۇي جانۋارلارىمەن ويناعاننان كەيىن مىندەتتى تۇردە قول جۋۋدى ادەتكە اينالدىرىڭىز. باكتەريالار تەرىگە نە ادامنىڭ باسقا دا مۇشەلەرىنە ەنۋ ارقىلى دا اۋرۋ تۋعىزۋى مۇمكىن.

 تازالىق ساقتاڭىز. جۇمىس ۇستەلىنىڭ ءۇستىن، اس ءۇي ۇستەلىن تاعى دا باسقا ادامدار ءجيى جاناساتىن جەرلەردى زارارسىزداندىرىپ، ءسۇرتىپ الىڭىز. بولمەنى ءجيى- ءجيى جەلدەتىپ، تەرەزەنى اشىپ الىڭىز. بۇل ءادىس تە ينفەكتسيا تارالۋىنىڭ الدىن الادى. تاماعىڭىز تولىقتاي پىسكەنىنە كوز جەتكىزىڭىز. كەيدە قانى شىعىپ تۇرعان نە شالا پىسكەن ەتتە باكتەريا كەزدەسەدى. جوعارى تەمپەراتۋرادا دۇرىس پىسكەن تاعامنان ءلاززات الۋدى ۇيرەنىڭىز.

ەكپە جاساتىڭىز. ءوز ەركىڭىزبەن اقىلى تۇردە ەكپە جاساتىپ الساڭىز، سەنىمدى تۇردە جۇرەسىز. بايقاڭىز، ءبىر اۋرۋدان قاشامىن دەپ، ەكىنشىسىنە ۇرىنىپ قالماڭىز. ونىڭ ۇستىنە اۋرۋ ا، B، C دەگەن سەكىلدى ءارتۇرلى ينفەكتسيامەن تارالادى، ولاردىڭ ءارايقسىسىنا قارسى جەكە ۆاكتسينا بار، ونىڭ بارلىعىن بىردەي ەككىزۋ مۇمكىن ەمەس، كومەگى شامالى بولماق.

 ق ر دەنساۋلىق ساقتاۋ مينيسترلىگى رەسپۋبليكالىق جانە وبلىستىق كولەمدە مەنينگيت اۋرۋىنا قاتىستى بارلىق سۇراققا جاۋاپ بەرەتىن انىقتاما تەلەفوندارىن جاريالادى. بۇل جەردە ينفەكتسيا جانە ەپيدەميولوگيا ماماندارى سىزدەردىڭ كوكەيىڭىزدە تۋىنداعان سۇراقتارعا جاۋاپ بەرۋگە تاۋلىك بويى قىزمەت ەتەدى.

رەسپۋبليكالىق انىقتاما ورتالىعى: 87172554900
استانا قالاسى: 1430

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى