تانىمال تۋىندى كەيىپكەرى استاناعا كەلدى
كارتينانىڭ قازاقستانمەن بايلانىستى وزىندىك تاريحى بار. 13 جاستاعى لەنانىڭ بەينەسىنە عاشىق بولعان الماتىلىق قازاق ارسەن بەيسەمبينوۆ تۋىندىنى ءوز بولمەسىنە ءىلىپ قويعان. ارسەن ەر جەتىپ، ماسكەۋدەگى ستروگانوۆ ۋچيليشەسىنە تۇسكەن جانە سول ۋچيليشەدە ەلەنامەن تانىسقان. وسىلايشا، ارسەن بەيسەمبينوۆ بالا كەزدەن عاشىق بولعان لەناعا ۇيلەنگەن.
«مۇندا مەنىڭ بولمەم، مەنىڭ توسەگىم بەينەلەنگەن. ونداعى كوتەرىڭكى كوڭىل- كۇيدى انام جەتكىزە الدى دەپ ويلايمىن. بالكوندا ءوزىم وسىرگەن وسىمدىكتەر تۇر. بيولوگ بولۋدى ارمانداعان ەدىم، انامنىڭ جولىن قۋىپ، بەينەلەۋ ونەرىن تاڭدادىم. ايتسە دە، تابيعات تاقىرىبىنا ادال بولىپ قالدىم. پەيزاج، گۇلدەر، كوبەلەكتەردى كوپ سالامىن. ءبىزدىڭ پاتەر كيەۆتىڭ ورتالىعىندا 7-قاباتتا ورنالاسقان. كەڭ كوشەلەر، جۇرگىنشىلەردىڭ، كولىكتىڭ شۋى - ءبارى- ءبارى ەسىمدە. قازىر وندا وزگە قوجايىندار تۇرىپ جاتىر، سوڭعى رەت 2003 -جىلى باردىم» ، - دەپ ەسكە الدى ەلەنا بەيسەمبينوۆا ق ر ۇلتتىق مۋزەيىندە جۋرناليستەرگە بەرگەن سۇحباتىندا.
ەلەنا مەكتەپتى اياقتاعان سوڭ، ماسكەۋگە ستروگانوۆ ۋچيليشەسىنە وقۋعا تۇسكەن جانە كۋرستاسىمەن الماتىعا قىدىرىپ بارعان.
«ارسەنمەن تانىستىعىما 1 جىل بولعاندا، الماتىعا قوناققا كەلدىم. قاراساڭ كوز تويمايتىن اسەم الماتى بىردەن باۋراپ الدى. ارسەننىڭ بولمەسىنە كىرگەنىمدە ءوز بەينەمدى كوردىم. ارسەن دە ءوزى عاشىق بولعان قىزبەن بىرگە وقىعانىن بىلمەگەن ەكەن. قاتتى تاڭعالدى. ارسەنمەن شاڭىراق كوتەرىپ، الماتىدا تۇردىق. ءوز ماماندىعىمىزبەن جۇمىس ىستەدىك» ، - دەدى ەلەنا بەيسەمبينوۆا.
قازىر ەلەنا الماتى قالاسىندا تۇرادى. ارسەن 2000 -جىلى دۇنيەدەن وزعان. ولاردىڭ زاڭعار ەسىمدى ۇلى بار.
ايتا كەتەيىك، استانانىڭ 20 جىلدىق مەرەيتويى اياسىندا ق ر ۇلتتىق مۋزەيىندە «ترەتياكوۆ گالەرەياسى توپتاماسىنان ⅩⅩعاسىردىڭ 50 جاۋھارى» اتتى كورمە اشىلدى. كورمەگە ابرام ارحيپوۆتىڭ «شارۋا ايەل» ، كونستانتين كوروۆيننىڭ «باۋدا. گۋرزۋف» ، اركاديي رىلوۆتىڭ «جاسىل شۋ» ، «فەدور رەشەتنيكوۆتىڭ «تاعى دا ەكىلىك» سىندى ايگىلى ەڭبەكتەرى قويىلعان.
كورمە 2018 -جىلدىڭ 10- قىركۇيەگىنە دەيىن جالعاسادى.
