اعىلشىنشا انگە بەينەبايان تۇسىرگەن قايرات نۇرتاس سىنعا قالدى - كەسكىن
ءتىپتى، العاش رەت بەينەبايانعا ءتۇستى، دەپ حابارلايدى Stan.kz اقپاراتتىق اگەنتتىگى.
My Universe ءانىنىڭ تۇساۋى قايراتتىڭ الماتىداعى وتباسىلىق كونسەرتى كەزىندە كەسىلگەن بولاتىن. تىڭدارماندارىنا تاعى دا جاڭاشىلدىق ۇسىنعىسى كەلگەن قايرات بۇل جولى «ءبىر وقپەن ەكى قوياندى» اتۋدى كوزدەگەن. ءبىر جاعىنان، العاش رەت اعىلشىن تىلىندە ءان جازدىرسا، ەكىنشى جاعىنان ءىنىسىن ساحناعا الىپ شىققان ول ءدال بۇگىن اتالعان تۋىندىعا تۇسىرىلگەن بەينەبايانىنىڭ تۇساۋىن كەستى.
گاككۋ ارناسىنىڭ YouTube-تەگى پاراقشاسىندا جاريا بولعان كليپتى از ۋاقىتتا 10 مىڭعا جۋىق جان تاماشالاپ ۇلگەرىپتى. بۇل ورايدا تىڭدارماندار پىكىرى قاق ءبولىندى. كوپشىلىگى قايراتتىڭ كاسىبي مامان ەكەنىن، الايدا اعىلشىن تىلىنە كەلگەندە اقساپ قالعانىن جازعان.
«قايراتتىڭ شىعارماشىلىعىن قۇرمەتتەيمىن، ءبىراق اعىلشىن تىلىمەن جۇمىس ىستەۋى كەرەك»، - دەپ پىكىر ءبىلدىردى. اقتوتى مومبەكوۆا ەسىمدى تىڭدارمان.
«قايروش، وسى قازاقشا ايتا بەرەسىڭ- اۋ دەيمىن»، - دەپ قوشتادى بەيبىت ەسىمدى ەكىنشى تىڭدارمان.
