بۋرابايدىڭ شيپالى سۋلارى مەديتسينالىق تۋريزمدە قولدانىلادى
«وتەل- بۇل تۋريستەردىڭ ءبىزدىڭ وبلىس تۋرالى اسەر الاتىن ەڭ ءبىرىنشى نىسانى. قوناقتاردىڭ وسىندا قايتا- قايتا كەلۋىنە بارىنشا جاعداي جاساۋ قاجەت. ول ءۇشىن بىزدە بارلىق مۇمكىندىك بار. ايماقتاعى شيپاجايلار، قىلقان جاپىراقتى ورمان مەن ءمولدىر كولدەر، تابيعي مينەرالدى سۋ كوزدەرى كەز- كەلگەن ءتۋريستىڭ جۇرەگىن باۋراپ الاتىنى انىق» ، - دەپ اتاپ ءوتتى جيىندا م. مىرزالين.
وسى ورايدا، «كوكشەتاۋ مينەرالدى سۋلارى» اكسيونەرلىك قوعامىنىڭ ديرەكتورلار كەڭەسىنىڭ ءتوراعاسى مۇرات احمەتوۆ جيىنعا قاتىسۋشىلارعا كۋرورتتى ايماقتا جاپپاي قولدانىلاتىن جاڭا قازاقستاندىق برەندى «Qulager-Вurabai» ەمدىك- اس سۋىن تانىستىردى. بۇل شيپالى سۋ كوكشەتاۋ بيىكتىگىندەگى «Qulager-Вurabai» جەر استى سۋ كوزدەرىنەن الىنادى. ۇڭعىما رەسپۋبليكالىق سۋمەن ساۋىقتىرۋ نىساندارى تىزىلىمىنە ەنگىزىلگەن.
«بۇل ەمدىك سۋدى بۋراباي شيپاجايلارىندا قولدانۋ ەلىمىزدە مەديتسينالىق ءتۋريزمدى دامىتۋعا مۇمكىندىك بەرىپ قانا قويمايدى، «ەسسەنتۋكي» ، «بورجومي» ، «كارلوۆ ۆارى» سياقتى الەمگە تانىمال كۋرورتتى قالالاردىڭ بالاماسى بولۋعا جول اشادى. زەرتتەۋ ناتيجەلەرى كورسەتكەندەي قۇرامىندا ادام اعزاسىنا قاجەتتى 16 تابيعي مينەرالدان تۇراتىن شيپالى سۋ 10 نان استام دەرتتى ەمدەۋگە پايداسى زور» ، - دەدى مۇرات احمەتوۆ.
جيىندا «وقجەتپەس» ەمدەۋ- ساۋىقتىرۋ كەشەنىنىڭ باسشىسى ستانيسلاۆ پشەنيچنىي رودون سۋنىنىڭ دەنساۋلىققا پايداسى تۋرالى ايتىپ بەردى. «وتكەن جىلى ءبىز رودان اس سۋىن الاتىن ۇڭعىما قازدىق. بۇل - وڭىردەگى جالعىز ۇڭعىما. دۇنيە جۇزىندە وسىنداي 500 گە جۋىق سۋ كوزدەرى بار ەكەن. مىسالى، التاي، قىرىم، باد- برامباحە، سحال- تۋبە دە رودان سۋلارىن ادامنىڭ قان قىسىمىن تۇراقتاندىرىپ، جۇرەك قان تامىرلارىن جاقسارتۋ ءۇشىن قولدانىلادى» ، - دەدى ستانيسلاۆ پشەنيچنىي.
سونىمەن قاتار، قوناقۇي بيزنەسى وكىلدەرى ساۋىقتىرۋ جانە سۋمەن ەمدەۋ بويىنشا مەديتسينالىق قىزمەت كورسەتۋ ءۇشىن ليتسەنزيا الۋ تارتىبىمەن تانىستى. بۇدان كەيىن وبلىس اكىمى بۋراباي ايماعىنداعى ءبىرقاتار نىسانداردىڭ جازعى ماۋسىمعا دايىندىعىن پىسىقتادى. ونىڭ ىشىندە، «جەكەباتىر» شيپاجاي كۋرورتتى مەكەمەسىندە قۇنى 1,5 ميلليارد تەڭگەگە جوندەۋ جۇمىستارى جۇرگىزۋلدە. كەلەر جىلى كەشەننىڭ ەكى كورپۋسىنا جوندەۋ جۇمىستارىن تولىق اياقتاۋ جوسپارلانسا، ءۇشىنشى عيمارات ءسۇرىلىپ، ورنىنا حالىقارالىق ستاندارتتارعا ساي جاڭاسى سالىنباق.
«تيبەتتىك مەديتسينا، سازبەن ەمدەۋ، 46 ءتۇرلى مەديتسينالىق شارالار، «Qulager-Вurabai» مينەرالدى سۋى - بۇنىڭ بارلىعىن جاڭعىرتۋ جۇمىستارى جۇرگىزىلىپ جاتقانىنا قاراماستان، «جەكەباتىر» شيپاجايى ۇسىناتىن بولادى» ، - دەپ ءتۇسىندىردى شيپاجاي باسشىسى احان جانپەيىسوۆ.
