مەملەكەت باسشىسى شەتەلدىك ينۆەستورلار كەڭەسىنىڭ جاڭا مۇشەلەرىن تانىستىردى

«جۇمىسقا كىرىسپەس بۇرىن مەن سىزدەرگە كەڭەستىڭ جاڭا مۇشەلەرىن تانىستىرىپ وتەيىن. ولار - «ەكسون موبيل پروداكشن» كومپانياسىنىڭ پرەزيدەنتى نيل داففين، «ەۋرازيالىق دامۋ بانكىنىڭ» باسقارما ءتوراعاسى اندرەي بەليانينوۆ، «Philip Morris International» (PMI) كومپانياسىنىڭ شىعىس ەۋروپا بويىنشا پرەزيدەنتى ماركو ماريوتتي، «مارۋبەني كورپورەيشون» كومپانياسى ءتوراعاسىنىڭ ورىنباسارى شيگەرۋا يامازۋيا. كەڭەستىڭ مۇشەلىگىنە سونىمەن قاتار، قازاقستاننىڭ تاراپىنان «اتامەكەن» ۇ ك پ باسقارما ءتوراعاسى ابىلاي مىرزاحمەتوۆ ەندى. سونىمەن بىرگە، كەڭەسكە مۇشەلىككە ەنۋ تۋرالى وزگە دە وتىنىمدەر بار. ولاردىڭ ءبارى دە ءبىز بەكىتكەن ءتارتىپ بويىنشا قارالادى»، - دەدى پرەزيدەنت.

پرەزيدەنتتىڭ ايتۋىنشا، بۇگىنگى تاڭدا الەم سيفرلاندىرۋ داۋىرىنە، ءتورتىنشى ونەركاسىپتىك رەۆوليۋتسياعا ءوتىپ كەلەدى.

«الەمدە تەرەڭ تەحنولوگيالىق وزگەرىستەر بولىپ جاتىر. مىنە، ءدال وسى تاقىرىپ ءبىزدىڭ بۇگىنگى تالقىنىڭ تاقىرىبىن ايقىنداپ بەردى. وسى باعىتتا ءبىرشاما باعدارلامالاردى جۇزەگە اسىرىپ جاتىرمىز»، - دەدى مەملەكەت باسشىسى.

ەسكە سالا كەتسەك، بۇگىن استاناداعى «تاۋەلسىزدىك سارايىندا» پرەزيدەنت نۇرسۇلتان نازاربايەۆتىڭ قاتىسۋىمەن شەتەلدىك ينۆەستورلار كەڭەسىنىڭ وتىرىسى باستالدى.

   

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى