نۇرشايىقوۆتان قالعان ناقىل سوزدەر

1. ەشكىمدى جامانداما. ەڭ جامان دەگەن ادامنىڭ دا ءوز جاقسىلىعى بولادى.

 2. ەستى قىز ەتەگىن قىمتاپ ۇستايدى.

 3. ايەلدىڭ جالاڭاش دەنەسى ەركەكتىڭ ويىن وزىنە بولگىزەدى. جيناقى ءجۇر. سوندا ەركەك ەلەڭدەمەيدى.

 4. ەشكىممەن بارقىلداپ ۇرىسپا، باعاڭدى جوياسىڭ.

 5. قارقىلداپ كۇلۋ، تارقىلداپ سويلەۋ - داراقىلىقتىڭ بەلگىسى.

 6. كىسى كەمشىلىگىن كورۋگە ەمەس، تۇزەۋگە اۋەستەن.

 7. قىزعا قاتتى كۇلۋدىڭ قاجەتى جوق، جىگىتكە ونىڭ جىميعانى دا جەتەدى.

 8. اۋىز شەشەندىك اركىمدە بار. قىزدىڭ كوپ سويلەمەگەنى ابزال. قىزدىڭ كۇلكىسى، جىميۋى، باس يزەۋى، كوزقاراسى، ءجۇرىس-تۇرىسى - سايراپ تۇرعان ءسوز.

 9. شوشاڭداعان قىز شەشەنىڭ اتىنا كىر كەلتىرەدى.

 10. بالاسى اراق ىشسە، شەشەسى ۋ ىشەدى. ماسكۇنەم- جاقسى انانى اجالدان بۇرىن كورگە كىرگىزەدى.

 11. جاقسى دوس - جامان اكەدەن ارتىق.

 12. ءۇمىت كۇتكەن ۇلى وڭباعان بولسا - اكە، قىزى كۇيەۋگە وتپەسە - شەشە، سۇلۋ دەپ العانى سۇيكىمسىز بولسا - جىگىت، قىران دەپ تيگەنى جاپالاق بولسا - جار سورلى.

13. كەي ادام كىلت ەتپە كەلەدى. ول مىنەز جاس بالاعا، سۇلۋ ايەلگە، ۇلى ادامدارعا عانا جاراسادى. بۇدان باسقاعا بىتسە - ول قىرسىق.

 دەرەككوزى: «دەگەن ەكەن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى