قازاقستاندىق سىرىقپەن سەكىرۋشى پراگاداعى جارىستا قولا جۇلدەگەر اتاندى

قازاقستاننان 26 جاستاعى سىرىقپەن سەكىرۋشى نيكيتا فيليپپوۆ قاتىستى. اتالعان سايىس تۇرىنەن فيليپپوۆتەن بولەك، ۋكراينا،  ۇلى بريتانيا، چەحيا جانە بەيتاراپ سپورتشى رەتىندە قاتىسقان رەسەي اتلەتتەرى بولدى.

نيكيتا جارىستى 5,15 مەترمەن باستادى. ودان كەيىنگى مۇمكىندىكتەرىندە 5,30 جانە 5,45 مەتردى باعىندىردى. بۇدان سوڭ، 5,55 جانە 5,60 مەترگە ۇمىتىلىپ كورگەنىمەن ءساتسىز شىقتى. ءسويتىپ، قازاقستاندىق سپورتشى چەحيالىق ميحايل بالنەرمەن بىرگە قولا جۇلدەگە يە بولدى. ەكەۋىنىڭ دە ۇزدىك كورسەتكىشى - 5,45 مەتر.

ال ءبىرىنشى ورىن فرانسيانىڭ مونبەليار قالاسىنداعى ءتۋرنيردىڭ چەمپيونى اتانعان ۋكراينالىق ۆلاديسلاۆ مالىحينگە بۇيىردى. ەكىنشى ورىنعا ۇلى بريتانيالىق ادام حەيگ تۇراقتادى.

پراگا. يوزەف ودلوجيل مەموريالى. سىرىقپەن سەكىرۋ.

ەرلەر:

1. ۆلاديسلاۆ مالىحين (ۋكراينا) - 5.55 م

2. ادام حەيگ ( ۇلىبريتانيا) - 5.55 م

3. نيكيتا فيليپپوۆ (قازاقستان) - 5.45 م

3. ميحال بالنەر (چەحيا) - 5.45 م

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى