فۋتبولدان قازاقستان قۇراماسى ازەربايجاندى ويسىراتا جەڭدى

ناتيجەسىندە الاڭ يەلەرى قارسىلاستارىن 3:0 ەسەبىمەن ويسىراتا جەڭدى، دەپ حابارلايدى قازاقپارات ءتىلشىسى.

بۇعان دەيىن حابارلاعانىمىزداي، ءبىرىنشى كەزەڭنىڭ 13- جانە 15-مينۋتىندا قازاقستاندىق رومان مۇرتازايەۆ پەن سەرىكجان مۋجيكوۆ 2 دوپ سوقتى. ويىن نۇكتەسىن 89-مينۋتتا ق ر قۇراماسىنىڭ ويىنشىسى باحتيەر زاينۋتدينوۆ قويدى. وسىلايشا، فۋتبولشىلارىمىز 3:0 ەسەبىمەن ايقىن باسىمدىقپەن جەڭدى.

ءبىزدىڭ قۇراما ءۇشىن ازەربايجان سىرالعى قارسىلاس. بۇگىنگى كۇنگە دەيىن قوس قۇراما سەگىز مارتە كەزدەستى. جولداستىق كەزدەسۋدە ءۇش مارتە ويناسا، ءبىر مارتە شىمكەنت قالاسىندا وتكەن حالىقارالىق تۋرنيردە دوپ تەپتى. سونداي-اق ىرىكتەۋ كەزەڭىندە 4 ويىندا شەبەرلىك بايقاستى.

قازاقستان قۇراماسى 3 مارتە جەڭىسكە جەتسە، ەكى مارتە جەڭىلدى، 2 ويىندا تەڭ ويىن تىركەلدى. سوڭعى مارتە قۇرامالار 2016 -جىلى 26 -ناۋرىزدا تۇركيانىڭ انتاليا قالاسىندا جاسىل الاڭعا شىعىپ، وندا ماقسات بايجانوۆتىڭ 8- مينۋتتا سوققان جالعىز دوبى بىزگە جەڭىس سىيلادى.

ف ي ف ا- نىڭ سوڭعى رەيتينگىندە قازاقستان 117-ورىندا تۇرسا، ازەربايجان 126-ورىنعا جايعاسقان.

ەستەرىڭىزگە سالا كەتەلىك، قوس قۇراما دا بيىل العاش رەت باستاۋ الاتىن ۇلتتار ليگاسىندا 4 ديۆيزيوندا سىنعا تۇسەدى. قازاقستان قۇراماسىنىڭ قارسىلاستارى - اندوررا، گرۋزيا جانە لاتۆيا، ءازىربايجان مالتا، فارەر ارالدارى جانە كوسوۆومەن سىنعا تۇسەدى.

ۇستىمىزدەگى جىلى قازاقستان قۇراماسى 3 ويىن وتكىزدى. ءبىزدىڭ فۋتبولشىلار 23 جانە 26 ناۋرىزدا ۆەنگريا جەرىندە الاڭ يەلەرىن 3:2 ەسەبىمەن جەڭىپ، بولگاريادان 1:2 ەسەبىمەن جەڭىلدى. بولگار مامانى ستانيمير ستويلوۆ جەتەكشىلىگىمەن ءبىزدىڭ قۇراما 3 ويىن وتكىزىپ، ونىڭ 2 دە جەڭىسكە جەتتى.

 ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى