رەسەي بايقوڭىر عارىش ايلاعىنىڭ ءبىر بولىگىن قازاقستانعا قايتارادى

  بۇل تۋرالى ق ر قورعانىس جانە ايەروعارىش ونەركاسىبى مينيسترلىگىنىڭ كوميتەت ءتوراعاسىنىڭ مىندەتىن اتقارۋشى باۋبەك ورالماعامبەتوۆ مالىمدەدى، -  دەپ حابارلايدى ر ي ا نوۆوستي.

مۇنىڭ الدىندا باسىلىمىنىڭ مالىمەت كوزى «زەنيت» زىمىران كەشەنى 1 - ماۋسىمعا دەيىن وتكىزىلۋى كەرەكتىگىن ايتقان. دەگەنمەن بۇل ءىستىڭ قۇجاتتىق جاعى ءالى دە 3-6 ايداي ۋاقىتقا سوزىلۋى مۇمكىن.

كەشەندى رەسەيدىڭ جالعا الۋىنان قازاقستاننىڭ پايدالانۋىنا وتكىزۋ تۋرالى شەشىم 2016 -جىلى قابىلدانعان بولاتىن. ال وتكىزۋ جۇمىستارى 2018 -جىلدىڭ 1 - ناۋرىزىندا باستالدى. جالپى رەسەي جالعا العان № 45 الاڭىنداعى مارە كەشەنى ەكى ىسكە قوسۋ قۇرىلعىسىمەن (ءىس جۇزىندەگى جانە بىرەۋى ىستەن شىققان)، № 42 الاڭداعى تەحنيكالىق كەشەن مونتاجدى- سىناقتان وتكىزۋ كورپۋسىمەن بىرگە جانە ولشەۋ پۋنكتى قازاقستانعا قايتارىلۋى ءتيىس.

 قازىرگى تاڭدا قازاقستان تارابى 42، 43 جانە 45-الاڭداعى 212 نىساندى قابىلداپ الدى. وسىلايشا، جالپى العاندا قازاقستان «زەنيت- م» زىمىران كەشەنىندەگى 243 جەر بەتىندەگى عارىش ينفراقۇرىلىم نىسانىن قابىلدادى. قازىرگى تاڭدا رەسەي بايقوڭىر قالاسى مەن عارىش ايلاعىن جالعا الىپ وتىر. جالعا الىنعان جەردىڭ جالپى كولەمى -   6717 شارشى شاقىرىم.

اقپارات كوزى: tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى