جەكپە-جەككە ەكى كۇن قالعاندا دانيار ەلەۋسىنوۆتىڭ قارسىلاسى وزگەردى

بۇرىن ونىڭ قارسىلاسى 30 جاستاعى گابور گوربيچ (24-11، 14 ك و) بولاتىنى جاريالانعان ەدى.

الايدا ۆەنگريالىق بوكسشى جاراقاتىنا بايلانىستى جەكپە-جەككە شىعا المايتىنى بەلگىلى بولعان سوڭ، ونىڭ ورنىنا باسقا ماجار بوكسشىسى زولتان شابو دانيارعا قارسى رينگكە شىعاتىن بولدى. ول دا تاجىريبەلى بوكسشى - 23 كەزدەسۋدىڭ 10 ىن نوكاۋتپەن اياقتاعان.

ايتا كەتەيىك، بيىل شابو التى كەزدەسۋ وتكىزىپ ۇلگەردى. سونىڭ تورتەۋىندە جەڭىسكە جەتىپ، ەكى رەت جەڭىلگەن.

دانيار ەلەۋسىنوۆ 28 -ءساۋىر كۇنى نيۋ-يوركتەگى Barclays Center ارەناسىندا وتكەن كاسىپقوي بوكستاعى العاشقى جەكپە-جەگىندە امەريكالىق نوا كيدتى (3-1-1، 2 ك و) نوكاۋتپەن جەڭگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى