ەلەۋسىنوۆتىڭ پروموۋتەرى ونىڭ قاشان الەم چەمپيونى بولاتىنىن ايتتى
«وعان چەمپيوندىق اتاققا تالاسۋ ءۇشىن 5 كەزدەسۋ وتكىزۋ كەرەك. مەنىڭشە ونىڭ دجەف حورندى جەڭەتىن مۇمكىندىگى بار. سونداي-اق شون پورتەرمەن دە جاقسى كەزدەسۋ بولادى دەگەن ويدامىن. سونىمەن قاتار دانيار ەررول سپەنس، تەرەنس كروۋفورد سياقتى جىگىتتەرمەن دە كۇش سىناسۋعا دايىن»، - دەپ مالىمدەدى ەددي حيرن.
ال قازىر ەلەۋسىنوۆ 6 -ماۋسىم كۇنى لوندوندا ( ۇلى بريتانيا) كاسىپقوي رينگتە وتەتىن ەكىنشى جەكپە-جەگىنە دايىندالىپ ءجۇر. ونىڭ وسى جولعى قارسىلاسى ۆەنگريالىق بوكسشى زولتان شابو (23-11، 10 ك و).
ايتا كەتەيىك، دانيار ەلەۋسىنوۆ كاسىپقوي بوكستاعى العاشقى كەزدەسۋىن 28 -ءساۋىر كۇنى نيۋ- يوركتە (ا ق ش) وتكىزىپ، ءۇشىنشى راۋندتا امەريكالىق بوكسشى نوا كيدتى (3-1-1، 2 ك و) تەحنيكالىق نوكاۋتپەن جەڭدى.
