رونالدۋ الەم چەمپيوناتىنا جەكە قورعاۋشىلارىمەن كەلەدى

كوماندا سەنىمدى قاراۋدا بولعانمەن، رونالدۋ وزىمەن جەكە ەكى بىردەي قورعاۋشىسىن ەرتە كەلەتىن كورىنەدى. The Mirror باسىلىمى حابارلاعانداي، پورتۋگالدىق فۋتبولشى جەكە باسىنىڭ قاۋىپسىزدىگىنە باسا ءمان بەرگەن. ول رەسەيگە وزىمەن بىرگە ارالاس جەكپە- جەك شەبەرى گونسالو سالگادو مەن ماتادور نۋنۋ دا كرۋز مارەكوشتى ەرتە كەلەدى.

سالگادو رونالدۋدىڭ سەنىمدى قورعاۋشىلارىنىڭ ءبىرى. سالماعى 140 كگ تارتاتىن قورعاۋشى سپورتشى كەزىندە بۇدان دا اۋىر بولعان. 2006-2011 -جىلدار ارالىعىندا 9 جەكپە- جەك وتكىزگەن. 7 كەزدەسۋىندە جەڭىسكە جەتىپ، 2 رەت جەڭىلگەن. تانىمال شابۋىلشىنىڭ جەكە قورعاۋشىسىمەن تۇسكەن سۋرەتتەرىن ءجيى بايقاۋعا بولادى. مارەكوش جايلى اقپارات از. ول بۇرىن اسكەري قىزمەتتە بولعان. اۋەجاي قاۋىپسىزدىگى اگەنتتىگىن باسقارعان. ەڭ ءبىر قىزىعى، ول ماتادور ەكەن. دۇرىسى - فۋركادۋ. ماتادور مەن فۋركادۋدا ايىرماشىلىق بار. پورتۋگالدىق كورريدا سايىسى يسپاندىقتاردىكى سەكىلدى ەمەس. ولاردا بۇقانى ولتىرمەيدى.


فۋركادۋ شايقاسقا قۇر قول شىعادى، جانە ولار ءبىر ەمەس بىرنەشەۋ بولادى. باستى ماقسات - بۇقانى مۇيىزىنەن ۇستاپ، ابدەن شارشاتۋ قاجەت. ايتا كەتەيىك، رەسەيدەگى الەم چەمپيوناتى كەزىندە يشيم لاڭكەستىك ۇيىمى تانىمال فۋتبولشىلارعا قاستاندىق جاساعىسى كەلەتىنى جايلى اقپاراتتار تاراعان بولاتىن.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى