ءبىرتانوۆ الماتىداعى اسا قاۋىپتى ۆيرۋستار زەرتحاناسىنىڭ جۇمىسى تۋرالى ايتتى
«بۇل عىلىمي ورتالىق كوپ ۋاقىتان بەرى جۇمىس ىستەپ كەلەدى. سودان بەرى وندا اسا قاۋىپتى ينفەكتسيالاردىڭ شتاممدارى ساقتالىپ كەلەدى. امەريكالىق ارىپتەستەردىڭ كومەگىمەن قاۋىپسىزدىگى جوعارى زاماناۋي زەرتحانا سالىندى. ەندى بۇل شتاممدار قاۋىپسىزدىك شارالارى قاتاڭ ۇستاناتىن جەردە ساقتالۋدا» ، - دەدى مينيستر ورتالىق كوممۋنيكاتسيالار قىزمەتىندە.
وسى ورايدا ول مەنينگيت حالىق اراسىندا تارالىپ جۇرگەن كۇندەلىك شتامم ەكەنىن اتاپ ءوتتى.
«ولار وسى رەفەرەنس- زەرتحانادا ساقتاۋعا جاتاتىن اسا قاۋىپتى ساناتقا ەنبەيدى. اتالعان رەفەرەنس- زەرتحانادان اۋرۋدىڭ تارالۋى بولعان ەمەس» ، - دەدى ۆەدومستۆو باسشىسى تىلشىلەر ساۋالىنا جاۋاپ بەرە وتىرىپ.
ايتا كەتەيىك، اعىمداعى جىلى مينينگيتكە شالدىعۋ جاعدايلارىنىڭ باسىم بولىگى الماتىدا تىركەلدى. جالپى، جىل باسىنان بەرى قازاقستاندا مەنينگيت ينفەكتسياسىن جۇقتىرعان 58 ناۋقاس تىركەلدى.
