باس پروكۋراتۋرا مەنينگيتكە قاتىستى تاراعان اقپاراتتاردى تەكسەرىپ جاتىر

بۇل تۋرالى ورتالىق كوممۋنيكاتسيالار قىزمەتىندە ق ر دەنساۋلىق ساقتاۋ ءمينيسترى ەلجان ءبىرتانوۆ ءمالىم ەتتى، دەپ حابارلايدى قازاقپارات.

«باس پروكۋراتۋرا تەرگەۋ شارالارىن باستادى. ەگەر دە زاڭنامانى بۇزۋ فاكتىلەرى انىقتالسا، ونىڭ ىشىندە اقپاراتتىق حابارلامالار بويىنشا زاڭسىزدىقتار بولسا، وندا بۇل ادامدار جاۋاپقا تارتىلۋى ءتيىس دەپ ويلايمىن. سەبەبى حالىق اراسىندا دۇربەلەڭ تۋدىرماس ءۇشىن، ءتيىستى شارالار قابىلداۋ كەرەك» ، - دەدى مينيستر.

ۆەدومستۆو باسشىسى وسى ورايدا رەسمي اقپارات كوزدەرىنە نازار اۋدارۋعا شاقىردى.

«دەنساۋلىق ساقتاۋ مينيسترلىگى بارلىق قاجەتتى جۇمىستاردى جۇرگىزىپ جاتىر، سايكەسىنشە ءتيىستى اقپاراتتاردى ۇسىندى. دۇرلىگۋگە ەشقانداي نەگىز جوق» ، - دەپ ءتۇيدى ەلجان ءبىرتانوۆ.

بۇدان بۇرىن حابارلانعانداي، جىل باسىنان بەرى قازاقستاندا مەنينگيت ينفەكتسياسىن جۇقتىرعان 58 ناۋقاس تىركەلدى. ولاردىڭ 18- 14 ءى جاسقا دەيىنگى بالالار. بيىلدان باستاپ اتالعان دەرتتەن 12 ادام كوز جۇمدى.

سونىمەن قاتار ق ر دەنساۋلىق ساقتاۋ ءمينيسترى ەلجان ءبىرتانوۆ مەنينگيتكە قارسى ۆاكسينالاۋ جۇمىستارىنىڭ نەگە جۇرگىزىلمەيتىنىن ءتۇسىندىردى.

مينيستر مەنينگيتكە شالدىققان جاعدايدا وزدىگىنەن ەم قولدانباۋعا شاقىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى