دەنساۋلىق ساقتاۋ ءمينيسترى مەنينگيتكە شالدىققان جاعدايدا وزدىگىنەن ەم قولدانباۋعا شاقىردى

«ادامداردىڭ ولىمىمەن اياقتالعان وقيعالاردىڭ كوپشىلىگىندە ناۋقاستار مامانداردىڭ كومەگىنە تىم كەش جۇگىنگەن. ءبىز مەنينگيت بەلگىلەرى پايدا بولعان كەزدە دەرەۋ مەديتسينالىق قىزمەتكەرلەرگە حابارلاسۋ كەرەكتىگىن قايتالاپ كەلەمىز. دەنساۋلىق ساقتاۋعا، ۆاكسينالاۋعا ءتۇرلى كوزقاراستار بولۋى مۇمكىن، الايدا وسى جاعدايدا كەرى سالدارعا جول بەرمەس ءۇشىن باس مامانداردىڭ ۇسىنىسىن ورىنداۋدى وتىنەمىن. ينفەكتسيا جىل بويى بولادى. بۇنىڭ بارلىعى ءبىز ءۇشىن ستاندارتتى جاعداي، سايكەسىنشە ءبىز دارىگەرلەردىڭ ستاندارتتى نۇسقاۋلارىن ورىنداۋدى تالاپ ەتەمىز. وسى ورايدا ءوزىن- ءوزى ەمدەۋمەن نەمەسە تەكسەرىلمەگەن ەم- دوم تۇرلەرىمەن اينالىسقان دۇرىس ەمەس» ، - دەدى مينيستر ورتالىق كوممۋنيكاتسيالار قىزمەتىندە.

بۇدان بۇرىن حابارلانعانداي، جىل باسىنان بەرى قازاقستاندا مەنينگيت ينفەكتسياسىن جۇقتىرعان 58 ناۋقاس تىركەلدى. ولاردىڭ 18- 14 جاسقا دەيىنگى بالالار. بيىلدان باستاپ اتالعان دەرتتەن 12 ادام كوز جۇمدى.

سونىمەن قاتار ق ر دەنساۋلىق ساقتاۋ ءمينيسترى ەلجان ءبىرتانوۆ مەنينگيتكە قارسى ۆاكتسينالاۋ جۇمىستارىنىڭ نەگە جۇرگىزىلمەيتىنىن ءتۇسىندىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى