وتىز كۇن بويى سۇيىقتىقتان سۋ عانا ىشسە نە بولادى؟

 ەگەر ءبىز بار- جوعى 30 كۇن بويى سۋدان باسقا بارلىق سۋسىننان باس تارتساق، ومىرىمىزدە قانداي وزگەرىس بايقاۋشى ەدىك؟ الدىمەن اقشا ۇنەمدەيتىنىمىز ويعا ورالادى. ءيا، سولاي ەكەنى ءسوزسىز. الايدا بۇل ءادىستىڭ اعزاعا قانداي پايداسى بار ەكەنىن ەكىنىڭ ءبىرى بىلە بەرمەيدى. ەندەشە تارقاتىپ جازىپ كورەلىك.

 1. ءسىزدىڭ شىعارماشىلىق جانە اقىل- وي قابىلەتىڭىز ارتادى

 Neuroscience (نەيروبيولوگيا) جۋرنالىنىڭ مالىمەتىنشە، 30 كۇن بويى ميىڭىز ەداۋىر جىلدام رەاكسيا جاساۋىمەن تاڭعالدىرادى. مي ءتيىمدى جۇمىس ىستەۋى ءۇشىن توننالاعان وتتەگى قاجەت، سۋ دا ونىڭ جۇمىسىن جاقسارتادى. كۇنىنە 8-10 ستاقان سۋ ىشسەڭىز، ءسىزدىڭ كوگنيتيۆتىك قابىلەتىڭىز تۇتاستاي العاندا %30 عا جاقسارادى.

 2. قۇرداستارىڭىزدان جاس كورىنەسىز

 اۋىز سۋ ءسىزدىڭ تەرىڭىزدەگى سۋدىڭ تەپە- تەڭدىگىن ساقتاي وتىرىپ، قارتايۋ پروتسەسىن تەجەۋگە كومەكتەسەدى. ول تەرىنى ىلعالداندىرىپ، ونى ساۋ، جۇمساق، جىلتىر جانە ءاجىمسىز كۇيىندە ساقتايدى. سۋ بۇلشىق ەت تىندەرىنىڭ دە كۇش- قۋاتىن ارتتىرادى. ول ءۇشىن تازا سۋ ءىشۋىڭىز كەرەك.

 3. يممۋنيتەتىڭىز كۇشەيەدى

 سۋ باۋىرىڭىز بەن بۇيرەگىڭىزدىڭ دۇرىس جۇمىس ىستەۋىنە كومەكتەسەدى. بۇل ورگاندار قانداعى ۋلى زاتتار مەن قالدىقتاردى، تۇزداردى شىعارۋعا جاۋاپتى.

 وسى سالانى زەرتتەگەن عالىمداردىڭ ايتۋىنشا، ادام اعزاسىنداعى pH تەڭگەرىمى قالىپقا ءتۇسىپ، بۇيرەكتە تاس پايدا بولۋ دەڭگەيى تومەندەيدى، ناتيجەسىندە باس جانە وزگە دە اۋرۋلارعا شالدىعا بەرمەيسىز.

4. جۇرەگىڭىزدىڭ جۇمىسى جاقسارادى

 سۋ جۇرەگىڭىزدىڭ ساۋ بولۋىنا كومەكتەسەدى. جۇرەك تالماسىنىڭ قاۋپىن تومەندەتەدى، ويتكەنى قان سۇيىلىپ، قىسىمدى تومەندەتەدى.

 ۇيقىعا جاتاردان ءبىر ساعات بۇرىن ءبىر ستاقان سۋ ءىشۋ جۇرەك تالماسى مەن ءينسۋلتتىڭ الدىن الادى. بار- جوعى ءبىر ستاقان سۋ ءسىزدىڭ جۇرەگىڭىز بەن باسقا دا ورگاندارىڭىزعا وتتەگى جەتۋىن ەداۋىر جەڭىلدەتەدى.

 امەريكالىق ەپيدەميولوگيا جۋرنالى التى جىلدىق زەرتتەۋدىڭ ناتيجەسىن جاريالادى. كۇنىنە 5 ستاقان سۋ ىشكەن ادامدار 2 ستاقان سۋ ىشكەندەرمەن سالىستىرعاندا جۇرەك تالماسىنان %41 عا از كوز جۇماتىنى انىقتالدى.

 5. ءسىزدىڭ سۇيەگىڭىز بەكەمدەلە تۇسەدى

 سۋ شەمىرشەكتى قالپىنا كەلتىرۋگە كومەكتەسەدى، وسى سەبەپتەن ءسىزدىڭ بۋىندارىڭىز ءبىرقالىپتى قوزعالىستا بولادى، ناتيجەسىندە سالماقتان بۋىنداردىڭ جاراقات الۋى ازايادى.

 6. تەرىڭىزدىڭ استىنداعى ارتىق مايلارىڭىزبەن قوش ايتىساسىز

 30 كۇن سۋ ىشكەن كەزىڭىزدە ءسىزدىڭ ماڭىزدى ورگاندارىڭىزدان زياندى قالدىقتار مەن شلاكتار شىعىپ كەتەدى. تەرىڭىز تازارىپ، ىشتەگى ارتىق ماي كەتەدى.

 تاماق تانۋ جانە ديەتولوگيا اكادەمياسىنىڭ وكىلى اندرەا ن. دجانكولا تاماقتان الدىن ءبىر نەمەسە ەكى ستاقان سۋ ىشۋگە كەڭەس بەرەدى، ول استىڭ قورىتىلۋىنا كومەكتەسىپ، تاماقتى نورمادان ارتىق جەپ قويۋعا جول بەرمەيدى. ونى ادەتكە اينالدىرساڭىز بولعانى.

 7. اعزاڭىزداعى زات الماسۋ پروتسەسى جاقسارادى

 زەرتتەۋ جۇمىستارى اۋىز سۋدى تۇراقتى تۇتىنۋ زات الماسۋدى جاقسارتاتىنىن كورسەتىپ وتىر. تاڭەرتەڭ ويانعاننان كەيىن بار- جوعى جارتى ليتر سۋ ءىشۋ مەتابوليزمدى (زات الماسۋدى) %24 عا كوتەرەدى.

ال مەتابوليزم نە ءۇشىن ماڭىزدى؟ ول اعزامىزداعى حيميالىق رەاكسيالاردى جۇرگىزۋگە، ياعني ادامنىڭ دەنى ساۋ بولۋىنا تىكەلەي جاۋاپتى.

 دەرەككوزى: «پ ت» توپتاماسىنان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى