ءومىردى ۇزارتۋدىڭ تاعى ءبىر جولى تابىلدى

مامانداردىڭ بۇل تۋرالى زەرتتەۋ ماقالاسى British Journal of Sports Medicine جۋرنالىندا جاريالاندى، دەپ حابارلايدى lenta.ru باسىلىمى.

عالىمدار انگليا مەن شوتلانديانىڭ  50225 تۇرعىنىنا 1994-2008 -جىلدار ارالىعىندا جۇرگىزىلگەن تەكسەرۋدەن كەيىنگى دەرەكتەرگە ساراپتاما جاسادى. قاتىسۋشىلار جۇرگەن كەزدە قانداي جىلدامدىقپەن - باياۋ ورتاشا نەمەسە تەز ءجۇرۋ ۇنايتىنىن ايتتى. سونىمەن قاتار، ماماندار ولاردىڭ جاسى، جىنىسى، فيزيكالىق بەلسەندىلىگى جانە دەنە سالماعىن ەسكەردى.

سوندا ورتاشا جىلدامدىقپەن ءجۇرۋ، باياۋ جۇرۋمەن سالىستىرعاندا الدىن الا ءولىمدى 20 پروتسەنتكە تومەندەتتى. ال تەز جۇرگەندەردە 24 پروتسەنت ازايعان. سونداي- اق، ورتاشا جانە جىلدام جۇرگەندەردىڭ جۇرەك- قان تامىر اۋرۋلارىنان قايتىس بولۋى 24 جانە 21 پروتسەنت تومەندەدى.

سەرۋەندەۋ 60 جاستان اسقان ەگدە جاستاعى ادامدارعا وتە ءتيىم بولىپ شىقتى. ورتاشا جىلدامدىقپەن ءجۇرۋ جۇرەك- قان تامىر اۋرۋلارىنان قايتىس بولۋدى 46 پروتسەنتكە، ال تەز ءجۇرۋ 53 پروتسەنتكە قىسقارتقان.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى