مەديتسينالىق ساقتاندىرۋ قورى «شۇعىل جەلىنى» ىسكە قوستى

جەلى قور قىزمەتكەرلەرى تاراپىنان جاسالعان جەمقورلىق، الاياقتىق، كەمسىتۋشىلىك سىندى وزگە دە زاڭبۇزۋشىلىقتاردىڭ الدىن الۋ ماقساتىندا اشىلدى، دەپ حابارلايدى قازاقپارات.

باسپاءسوز قىزمەتىنىڭ اقپاراتىنا قاراعاندا، بۇدان بىلاي تۇرعىندار قور قىزمەتىنە قاتىستى زاڭبۇزۋشىلىقتار جايلى +7-7172 647-111 تەلەفونى ارقىلى حابارلاي الادى.

 سونىمەن قاتار، شاعىمداردى fmshotline@gmail.com ەلەكتروندى پوشتاسىنا نەمەسە 010000, قازاقستان رەسپۋبليكاسى، استانا قالاسى، د. قونايەۆ كوشەسى، 14/3 (11-قابات) مەكەنجايىنا جولداۋعا بولادى. شاعىمدارعا ارنالعان اتالعان بايلانىس ارنالارى 2017 -جىلدىڭ 26 - جەلتوقسانىنان بەرى جۇمىس ىستەپ تۇر.

«بۇگىنگى كۇنگە دەيىن وسى كانالدار بويىنشا ازاماتتاردان 29 حات كەلىپ تۇسكەن. ونىڭ باسىم بولىگى (17 حات) جەكە تۇلعالار تاراپىنان جازىلعان. حاتتاردىڭ دەنى الەۋمەتتىك مەديتسينالىق ساقتاندىرۋ تولەمدەرىنە قاتىستى» ، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى