ايدانا مەدەنوۆانىڭ سۇلۋلىعىنا قىزىققان كورەيالىقتار ونى الپاۋىت كومپانيانىڭ مودەلى ەتىپ بەكىتتى - فوتو
كۇنى كەشە سەۋلدەگى ساپاردان ورالعان ايدانا، Stan.kz اقپاراتتىڭ اگەنتىگىنىڭ ءتىلشىسىن سۇحبات بەرگەن بولاتىن.
ال، ءانشى بيكەشتىڭ باعىن اشقان «Face of Asia» اتتى سۇلۋلىق شاراسى ەكەن.
«ءبىز 1-مامىر كۇنى سەۋل قالاسىنا «Face of Asia» دەگەن ۇلكەن فەستيۆالگە باردىق. سول جەرگە مەن قازاقستاننىڭ اتىنان ۇسىنىس العانمىن. ءسىز فەستيۆالگە ساي كەلەسىز دەپ، مەنى جىلدىڭ باسىندا شاقىرعان ەدى. مەنى ساحنادا ماراپاتتاپ، مۇسىنشە تابىستادى. ول جەردە بۇكىل ازيا مەملەكەتتەرى قاتىسادى. ول جەردە تەك قانا انشىلەر ەمەس، نەشە ءتۇرلى ديزاينەرلەر، ايگىلى اكتەرلەر قاتىسادى. قازاقستاننان ءبىر مودەل، ءبىر ديزاينەر جانە مەن باردىم. سونداي ۇلكەن جوبا» ، - دەيدى ايدانا مەدەنوۆا.
«Face of Asia» فەستيۆالى ايداناعا ساتتىلىك اكەلگەن. سۇلۋلىعىمەن كوزگە تۇسكەن مەدەنوۆاعا جەرگىلىكتى كومپانيانىڭ وكىلدەرى بىرىگىپ جۇمىس ىستەۋ جايلى ۇسىنىستارىن ءبىلدىرىپتى.
«سول سۇلۋلىق فەستيۆالىنە ۇلكەن كومپانيالار قاتىسادى. سۇلۋلىق يندۋسترياسى، كوسمەتولوگيا جاعىنان، فەشن جاعىنان نەشە ءتۇرلى ۇجىمدار قاتىسادى. سول جەردە ماعان ءبىر ۇلكەن كومپانيا كوڭىل اۋدارىپ، ولار مەنىمەن امباسسادور رەتىندە جۇمىس ىستەگىسى كەلدى. ۇسىنىسقا سول جەردە كەلىسىمىمدى بەردىم. وسى اپتادا تاعى بارىپ كەلدىم. بۇل جولى تۇسىرىلىمگە قاتىسىپ، كەلىسىمشارتقا قول قويىپ، رەسمي تۇردە سول كومپانيانىڭ كورەياداعى كەلبەتى رەتىندە، مودەلى رەتىندە جۇمىس جاساۋعا ءوز كەلىسىمىمدى بەردىم» ، - دەيدى ايدانا.
ايدانا بۇل ۇسىنىستى بىردەن قابىلداپ، تاياۋدا ەكى جاقتى رەسمي قۇجاتقا قول قويعان. ويتكەنى، ازياعا تانىلۋ قازاق قىزىنىڭ بالا كۇنگى ارماندارىنىڭ ءبىرى ەكەن.
«مەنىڭ 10 جاسىمنان باستاپ كورەيا مەملەكەتىنە دەگەن قىزىعۋشىلىعىم بولدى. كورەيانىڭ شوۋ- بيزنەسى دە، سۇلۋلىق جاعى دا ماعان قاتتى ۇنادى. سوندىقتان ۇسىنىسقا مەن قۋانا- قۋانا ءوزىمنىڭ كەلىسىمىمدى بەردىم. بارلىق قاراجاتتى وزدەرىنە كوتەرىپ الدى. كورەيادا كوبىنەسە جارنامانى ارتىستەرمەن جاسايدى. ول جاعى وتە دامىعان. ارتىستەر كوبىنەسە كونسەرتتەن ەمەس، جارنامادان تابىس تابادى. مەنىڭ سۋرەتتەرىم بيلبوردتارتار، نەشە ءتۇرلى بۋكلەتتەر دە كورسەتىلەدى. بۇل مەنىڭ كەلبەتىمدى تانىتۋعا ۇلكەن مۇمكىندىك» ، - دەيدى مەدەنوۆا.
كورەيلىكتەردىڭ قويعان تالاپتارىنا ساي كەلگەن سۇلۋ، 2018 -جىلى اتالمىش ەلگە ءجيى بارىپ تۇرادى. قوس تاراپتىڭ كەلىسىمشارتى ءبىر جىلعا دەيىن جارامدى ەكەن. سوڭعى ون بەس كۇندى سەۋلدە وتكىزگەن مەدەنوۆا، تۋعان جەرى مەن بالالارىن قاتتى ساعىنعانىن ايتادى. جۇبايىمەن ءىس- ساپارعا اتتاعان ايدانا قىزى مەن ۇلىن دا قازاقستانعا قالدىرىپ كەتىپتى.
«قازاقستاندى ساعىنىپ تۇرادى ەكەنسىڭ. وسى جولى ەكى اپتاعا باردىم. مەن ءۇشىن ۇلكەن ۋاقىت ەكەن. ەكى جۇماعا ەشقايدا شىعىپ كورمەپپىن. ەكى بالامدى بىرگە الىپ جۇرۋگە مۇمكىنشىلىك بولعان جوق. قيىن بولدى. ەندى بالالارىمدى تاستاپ، ەكى اپتاعا ەشقايدا بارمايتىن شىعارمىن» ، - دەيدى ايدانا.
Stan.kz
