قازاقستان مەن قىرعىزستان كوكپار تۋرالى فيلم ءتۇسىرىپ جاتىر
كينوكارتينا تالانتتى كوكپار ويىنشىسى، «جالىن» كومانداسىنىڭ كاپيتانى ماقسات جايىندا باياندايدى. ماڭىزدى ءبىر كەزەكتى ويىنداعى جەڭىلىستەن كەيىن، «جالىن» كومانداسىنىڭ يەسى جاراقات العان اتپەن الاڭعا شىعۋدان باس تارتقان ماقساتتى كوماندادان شىعارۋ شەشىمىن جاسايدى. ءوزىنىڭ اۋىلىنا ورالعاننان كەيىن جاس جىگىت جاڭا كوماندا جيناپ، وسى سپورتتىڭ بيىك شىڭىنا جەتۋدىڭ اۋىر جولىن باستايدى. فيلمنىڭ رەجيسسەرى رۋسلان اكۋننىڭ ايتۋىنشا، كينوكارتينا سوڭعى ۇلگىدەگى تەحنولوگيالارمەن تۇسىرىلۋدە. سونىمەن قاتار تۋىندىداعى كەيىپكەرلەردى قازاقستان مەن قىرعىزستاننىڭ ۇزدىك اكتەرلەرى سومدايتىن بولادى. «كوكپار» فيلمىنىڭ باستى رولدەرىندە قازاقستاندىق اكتەر ءارى كاسكادەر اسىلحان تولەپوۆ (جاۋجۇرەك مىڭ بالا) جانە اكتريسا گۇلناز جولانوۆا وينايدى.
