ديماش قۇدايبەرگەن اقتوبەدەگى ساحنادا: ۇيدە جۇرگەن بولەك ەكەن
ۇقساس جاڭالىقتار ديماش قۇدايبەرگەن ومىردەن وزعان اكەسىنە ءان ارناعان اقتوبەلىكتى ماراپاتتادى اقتوبەگە ديماش قۇدايبەرگەننىڭ ءبىر توپ فاناتى كەلەدى قازاقستاندىقتار ديماشتى تۋعان كۇنىمەن قۇتتىقتاپ جاتىر اقتوبە قالاسىندا وتكەن «باقىتتى بالا» بايقاۋىنىڭ گالا كونتسەرتىندە ءانشى ديماش قۇدايبەرگەن ءان شىرقادى. بۇل كۇندى اقتوبەلىكتەر عانا ەمەس، الەمنىڭ 10 ەلىنەن كەلگەن فانتوپ جەتەكشىلەرى دە اسىعا كۇتتى. بۇعان دەيىن حابارلاعانىمىزداي، فاناتتارى اراسىندا 63 جاستاعى قاريا بار. قاتەرلى ىسىك اۋرۋىنا شالدىققان انيتا راي ۋورد ارنايى كەلدى.
بۇگىن ءوزىن ساعىنا كۇتكەن فاناتتارى الدىندا ءان شىرقاعان ديماش ەكى اننەن سوڭ سەناريدەن تىس ساحناعا فورتەپيانو الدىرىپ، ەستايدىڭ ءانى «قۇسني- قورلاندى» ورىندادى. «جەرلەستەر، سىزدەردىڭ الدارىڭىزدا ونەر كورسەتىپ تۇرعانىما قۋانىشتىمىن، باقىتتىمىن. ۇيدە جۇرگەن بولەك ەكەن. بالالارعا ارنالعان بايقاۋعا قاتىسىپ، ونىڭ وتۋىنە اتسالىسقان ادامداردىڭ بارىنە وتباسىمنىڭ اتىنان العىسىمدى بىلدىرەمىن. سىزدەردى قاتتى ساعىندىم، قاتتى جاقسى كورەمىن» ، - دەدى ءانشى ديماش قۇدايبەرگەن. ايتا كەتەيىك، ديماش قۇدايبەرگەن قىتايدان ارنايى كەلىپ، «باقىتتى بالا» بايقاۋىنىڭ گالا كونتسەرتىندە ءان ايتتى. ءارى ول بايقاۋ كەزىندە ەرەكشە اسەر قالدىرعان نارعىز جانۇزاقوۆاعا ءوزىنىڭ ارنايى سىيىن ۇسىندى.
